Nyǵmatýlın Armenııa Parlamentiniń tóraǵasymen kelissóz júrgizdi

NUR-SULTAN. QazAqparat - Májilis tóraǵasy Nurlan Nyǵmatýlın Armenııa Ulttyq Jınalysynyń tóraǵasy Ararat Mırzoıanmen parlamentaralyq yntymaqtastyqty nyǵaıtý máselelerin talqylady, dep habarlaıdy QazAqparat.

N.Nyǵmatýlın men A.Mırzoıannyń kezdesýi osy kúnderi Erevanda ótip jatqan, UQShU Parlamenttik Assambleıasy aıasynda ótti.

«Ózara tıimdi áriptestik pen senim negizinde damyp kele jatqan qazaqstandyq-armıandyq qatynasqa basa nazar aýdara kelip, Nurlan Nyǵmatýlın Qazaqstan basshylyǵy barlyq salada ekijaqty is-qımyldy damytýǵa basa kóńil bóletinin atap ótti», delingen habarlamada.

Májilis spıkeriniń pikirinshe, Eýrazııalyq Ekonomıkalyq odaq aıasynda birlesken jumys saýda-ekonomıkalyq baılanysty tereńdetýge jol ashady.

Qazaqstandyq-armıandyq parlamentaralyq qarym-qatynas týraly sóz etkende Májilis tóraǵasy aldaǵy eýrazııalyq ıntegratsııany zańnamalyq qamtamasyz etý jolyndaǵy birlesken jumysqa kóńil bóldi. Nurlan Nyǵmatýlın sondaı-aq, óz áriptesine zańnamalyq qyzmet boıynsha tájirıbe almasý úshin yntymaqtastyq jónindegi toptar men beıindi komıtetter áleýetin keńinen paıdalanýdy usyndy.

Kezdesý barysynda taraptar UQShU PA aıasynda ózara is-qımyldy kúsheıtýge qatysty suraqtardy da talqylady. Ararat Mırzoıan atap ótkendeı, parlamentshilerdiń birlesken jumysy qazirgi zamanǵy eń ózekti suraqtardyń sheshimin tabýǵa múmkindik beredi.