Nurjan Joldybalınov: Toqaev el múddesin eń joǵary deńgeıde qorǵaı alady

NUR-SULTAN. QazAqparat - Álemdik dıplomatııanyń qyr-syryn jaqsy meńgergen Qasym-Jomart Toqaev Qazaqstannyń múddesin jahandyq aýqymda eń joǵary deńgeıde qorǵaı alady. Osyndaı pikirdi QR Ulttyq akademııalyq kitaphanasy basshysynyń orynbasary, IT-maman, «Qazaqstannyń 100 jańa esimi» jobasynyń jeńimpazy Nurjan Joldybalınov bildirdi, dep habarlaıdy QazAqparat tilshisi.

«Ózim de «Nur Otan» partııasynyń múshesimin. Qasym-Jomart Kemelulynyń Prezıdenttikke usynylýyn qoldaımyn. Sebebi, Qasym-Jomart Toqaev eldiń syrtqy saıasatyn eki ret basqarǵan tájirıbeli dıplomat. Álemdik dıplomatııanyń qyr-syryn jaqsy meńgergendikten, meniń oıymsha, Qazaqstannyń múddesin jahandyq aýqymda eń joǵary deńgeıde qorǵaı alady. Shynymdy aıtsam, Qasym-Jomart Kemeluly burynnan beri unamdy saıasatkerlerdiń biri. Óte bilimdi adam. Polıglot - óz tilinen basqa orys, aǵylshyn, qytaı, frantsýz tilderin biledi», - dedi Nurjan Joldybalınov.

Eske sala ketsek, búgin «Nur Otan» partııasynyń kezekten tys sezinde aldaǵy prezıdenttik saılaýǵa partııa atynan qatysatyn úmitker retinde Qasym-Jomart Toqaevtyń kandıdatýrasy bekitildi.

Óz kezeginde Qasym-Jomart Toqaev aldaǵy saılaýǵa kandıdat retinde qatysatynyn málim etti.