Nurjan Nurjigitov ákim kezindegi orynbasaryn mınıstrlikke ne úshin alyp keldi

<p>Sý resýrstary jáne ırrıgatsııa mınıstri Nurjan Nurjigitov Jambyl oblysynyń ákimi bolǵan kezdegi orynbasary Erbolat Ybraıhanovty mınıstrlikke nege alyp kelgenin túsindirdi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Búgingi tańda bizdiń mınıstrlik boıynsha tarıf saıasaty ótkir tur. Bizge jyldam sheshim qabyldaý kerek. Erbolat Maqsutuly Ybraıhanovtyń dál osy tarıf saıasatynda tájirıbesi óte úlken – 17 jyl. Onymen Jambyl oblysynda birge jumys istegen eki aıda onyń kásibıligi óńirdegi tarıf máselesinde óte jaqsy kómektesti. Onyń ishinde energetıka salasyndaǵy, jylý, sý berý salasyndaǵy eńbekaqy máselesi de bar. Keıbir kásiporyndarda E. Ybraıhanov júrgizgen jumystyń arqasynda aılyq 50 paıyzǵa deıin ósti. Odan keıin qurylys salasyna jetekshilik etti. Onda da tıimdi jumys istedi.

ıAǵnı, onyń menimen birge mınıstrlikke kelýi komandalyq aýys-túıis emes, onyń kásibı qasıetterine baılanysty boldy», – dedi mınıstr.

Sondaı-aq N.Nurjigitov ózimen birge Jambyl oblysynda jumys istegen kadrlardyń bári jańa qurylǵan mınıstrlikke kelmeıtinin aıtty.

«Mindetti túrdegi komandalyq aýysý bolmaıdy. Qazir menimen birge tek kómekshim ǵana keldi. Onyń bári zań aıasynda rettelgen. Merıtokratııa prıntsıpi mindetti túrde saqtalady. Qazir mınıstrliktiń jańa qurylymyn qarap jatyrmyz. Búgingi tańda burynǵy Ekologııa mınıstrliginen birneshe adam bizge aýysyp keledi. Sol azamattar kásibı mamandar bolsa, mindetti túrde joǵary laýazymdarǵa taǵaıyndalady dep aıtýǵa bolady», – dedi vedomstvo basshysy.