Nurtóre Júsip: Halyqqa jany ashıtyn komanda jasaqtasa, jón bolar edi
«Bul sheshimdi Májilis qoldady.
Álıhan Smaılov basqarǵan Úkimet eki jylda qolynan kelgenin istep baqty. Kórsetkish qýalap ketkendeı áser qaldyrǵany ras.
Oljas Bektenov týraly aıtar bolsaq, birinshiden, qyryqtyń qyrqasynda qylshyldap turǵan jas adam. Buǵan deıin Aqordada apparat basshysy, oǵan deıin Antıkorda qyzmet atqardy. Óńirde de jumys istedi. Bir sózben aıtqanda sharýanyń jaıyn da, halyqtyń jaǵdaıyn da jaqsy biledi.
Ekinshiden, qaı jerde istese de artynan jaman sóz ermegen kisi. Tazalyq pen týralyq jolynda jaman aty shyqpaǵan.
Úshinshiden, Memleket basshysy aldaǵy ýaqytta Qazaqstan ekonomıkasynyń tabysyn 2 ese arttyrý mindetin qoıdy. Bul — ońaı mindet emes. Buǵan jigerli, tabandy, bir sózdi batyl adam qajet. Oljas Abaıulynyń boıynda bul qasıetter bar. Prezıdent te óz sózinde osy qasıetterin atap ótti.
Tórtinshiden, Bektenov istiń adamy sekildi, kóp sóılemeıdi. Sóılese týrasyn aıtady», — deıdi senator.
Ol Oljas Bektenovtiń «Adamdarǵa jaqsy baspana men joldar kerek. Qoljetimdi jer men ishetin sý kerek. Sapaly bilim men medıtsına qajet. Ádil sot pen ómir súrýge qaýipsiz orta kerek. Al biz eshteńe estimegendeı syńaı tanytamyz jáne „ádemi“ statıstıkaǵa qurylǵan jumysty jalǵastyramyz», — degen sózin tilge tıek etken.
«Besinshiden, qoǵamdaǵy tazalyq! Prezıdent ylǵı aıtyp kele jatqan „Ádiletti Qazaqstan“ qaǵıdaty ornyǵýy úshin Úkimet basshysynyń jeke azamattyq ustanymy da mańyzdy. Bul rette Oljas Abaıulynyń „Neprozrachnost protsessov, bıýrokratızm apparata, predıavlenıe ızlıshnıh trebovanıı, slojnost otkrytııa ı vedenııa bıznesa, nesovershenstvo zakonodatelstva — vse eto ıavlıaetsıa blagodatnoı pochvoı dlıa nezakonnogo reshenııa voprosov ı razlıchnyh korrýptsıonnyh shem“, — dep aıtqany bar edi.
Jemqorlyqtyń jolyn kesse, ózi aıtqan «shemalardy» qurtsa durys bolar edi!», — deıdi Nurtóre Júsip.
Ol bul úshin Salyq Kodeksi men memlekettik satyp alý týraly zańnamalardy jedel retke keltirý óte mańyzdy ekenin alǵa tartqan.
«Sosyn Úkimetke aımaqtarda ábden ysylǵan, tájirıbe jınaqtaǵan, adal, arly azamattardy tartý arqyly halyqqa jany ashıtyn, elge jaqyn komanda jasaqtasa jón bolar edi!» — degen usynysyn bildirdi spıker.