Nurtóre Júsip Senattyń Áleýmettik-mádenı damý jáne ǵylym komıtetiniń tóraǵasy boldy
Senat otyrysynda palatanyń Áleýmettik-mádenı damý jáne ǵylym komıtetiniń tóraǵasy qyzmetine Nurtóre Baıátilesuly Júsiptiń kanıdatýrasy usynylyp, biraýyzdan maquldandy.
Baıtilesuly Júsip (1961 jylǵy 29 sáýirde týǵan; Qazaq KSR Qyzylorda oblysy Shıeli aýdany) — Qazaq jýrnalısti, qoǵam qaıratkeri. «AIQYN» respýblıkalyq qoǵamdyq-saıası kúndelikti gazetiniń bas redaktory (2008 jyldan bastap). Qazaqstan Respýblıkasy Jýrnalıster Akademııasynyń akademıgi, Qazaqstannyń eńbek sińirgen qaıratkeri (2016).
Nurtóre Baıtilesuly Júsip 1961 jyly 29 sáýirde Qyzylorda oblysy Shıeli aýdany Kerdeli kentinde dúnıege kelgen.
Ákesi - Júsipov Baıtiles (1918-1985), anasy - Baıdildaqyzy Rabıǵa (1925 j.t.), zeınetker, Batyr Ana, kúrish ósirýshi.
1984 jyly Kırov atyndaǵy Qazaq memlekettik ýnıversıtetiniń jýrnalıstıka fakýltetin bitirgen.
2017 jyldan bastap Qazaqstan Respýblıkasy Prezıdentiniń janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komıssııanyń múshesi
Kitap avtory: «Biz kimnen kembiz?» (2001), «Qazaq qyzy» (2004), «Eles pen beles» (2006), «Myń qumyrsqa jáne Biz».
EŃBEK JOLY
Eńbek qyzmetiniń birinshi satysyn Pavlodar oblystyq «Saryarqa samaly» gazeti agroónerkásip bóliminiń jýrnalısi bolyp bastady. Bul gazette Kólik jáne kommýnıkatsııa bóliminiń meńgerýshisi, bas redaktordyń orynbasary bolyp jumys istedi.
1990-1996 jyldary – «Egemen Qazaqstan» respýblıkalyq gazetiniń aǵa tilshisi, Bas redaktorynyń ekonomıkalyq máseleler jónindegi orynbasary.
1996-2002 jyldary – «Jas Alash», «Aq jol Qazaqstan», «Egemen Qazaqstan», «Astana Habary» gazetteriniń bas redaktory.
2008-2019 jyldary – «AIQYN» respýblıkalyq qoǵamdyq-saıası kúndelikti gazetiniń bas redaktory.
2019 jylǵy 12 tamyzdaǵy Qazaqstan Respýblıkasy Prezıdentiniń Jarlyǵymen Qazaqstan Respýblıkasy Parlamenti Senatynyń depýtaty bolyp taǵaıyndaldy.
«AMANAT» partııasynyń múshesi.
2022 jylǵy 8 jeltoqsannan bastap QR Parlamenti Senatynyń Áleýmettik-mádenı damý jáne ǵylym komıtetiniń tóraǵasy.
2023 jylǵy qańtardan bastap Senat depýtaty bolyp qaıta saılandy.
Foto: senate.parlam.kz