Nurtóre Júsip Senattaǵy Áleýmettik-mádenı damý jáne ǵylym komıtetiniń tóraǵasy boldy

ASTANA. QazAqparat – Búgin Senattyń jalpy otyrysynda palatanyń Áleýmettik-mádenı damý jáne ǵylym komıtetiniń tóraǵasy qyzmetine Nurtóre Júsip saılandy, dep habarlaıdy QazAqparat tilshisi.

Nurtóre Baıtilesuly Júsip 1961 jyly 29 sáýirde Qyzylorda oblysy Shıeli aýdany Kerdeli kentinde dúnıege kelgen.

1984 jyly Kırov atyndaǵy Qazaq memlekettik ýnıversıtetiniń jýrnalıstıka fakýltetin bitirgen.

Eńbek qyzmetiniń birinshi satysyn Pavlodar oblystyq «Saryarqa samaly» gazeti agroónerkásip bóliminiń jýrnalısi bolyp bastady. Bul gazette Kólik jáne kommýnıkatsııa bóliminiń meńgerýshisi, bas redaktordyń orynbasary bolyp jumys istedi.

1990-1996 jyldary – «Egemen Qazaqstan» respýblıkalyq gazetiniń aǵa tilshisi, Bas redaktorynyń ekonomıkalyq máseleler jónindegi orynbasary.

1996-2002 jyldary – «Jas Alash», «Aq jol Qazaqstan», «Egemen Qazaqstan», «Astana Habary» gazetteriniń bas redaktory.

2008-2019 jyldary – «AIQYN» respýblıkalyq qoǵamdyq-saıası kúndelikti gazetiniń bas redaktory.

2019 jylǵy 12 tamyzdaǵy Qazaqstan Respýblıkasy Prezıdentiniń Jarlyǵymen Qazaqstan Respýblıkasy Parlamenti Senatynyń depýtaty bolyp taǵaıyndaldy.

Foto: senate.parlam.kz