Nurtóre Júsip elektrosamokattar men gıroskýterlerden qandaı qaýip bar ekenin aıtty

NUR-SULTAN. QazAqparat – Senattyń jalpy otyrysynda depýtat Nurtóre Júsip óziniń depýtattyq saýalynda jol qaýipsizdigi máselesin kóterdi, dep habarlaıdy QazAqparat tilshisi.

Depýtattyń aıtýynsha, elektrosamokattar, samokattar men gıroskýterler tek olardyń ıeleriniń ǵana emes, jaıaý júrginshilerdiń de ómiri men densaýlyǵyna eleýli qaýip tóndiredi. Resmı derekter boıynsha, bııalǵy 8 aıynda osyndaı qozǵalys quraldarynyń qatysýymen 387 jaǵdaı tirkelgen, nátıjesinde 25 adam qaza tapqan, al 411 azamat jaraqat alǵan.

«Elektrsamokattardy ákelýdi jáne qaýipsiz paıdalanýdy quqyqtyq retteý qajet dep bilemiz. Sizden joǵaryda atalǵan qurylǵylardy jikteý jáne zańnamalyq aktilerge tıisti túzetýler engizý máselesin tezdetip pysyqtaýdy suraımyn. Eýrazııalyq ekonomıkalyq odaqtyń salalyq tehnıkalyq reglamentteriniń normalaryn eskere otyryp, kedendik baqylaýdy júzege asyrý aıasynda reglamentter men standarttardyń talaptaryna sáıkes kelmeıtin qurylǵylardyń shetten ákelýin shekteý boıynsha sharalar qabyldaý mańyzdy», - dedi Nurtóre Júsip QR Premer-Mınıstriniń orynbasary Roman Sklıarǵa joldaǵan depýttatyq saýalynda.