Nurtaı Sabılıanov Májilis komıtetiniń tóraǵasy bolyp saılandy
Máseleni qaraý barysynda depýtat Shavqat Ótemisov tóraǵalyqqa Nurtaı Sabılıanovtyń kandıdatýrasyn usynǵan bolatyn. Ashyq daýys berý barysynda depýtattar kandıdatty qoldap, palatanyń turaqty komıtetiniń tóraǵasy etip Nurtaı Sabılıanovty saılady. Nurtaı Salıhuly Sabılıanov 1962 jyldyń 1 maýsymynda sol kezdegi Semeı oblysy Aıagóz aýdany Shynqoja aýylynda dúnıege kelgen.
1988 jyly Almaty halyq sharýashylyǵy ınstıýtyn «Býhgalterlik esep jáne sharýashylyq qyzmetti taldaý» mamandyǵy boıynsha bitirdi.
1999 jyly Qazaq Memlekettik Ulttyq ýnıversıtetin zańger mamandyǵy boıynsha tamamdaǵan.
1986 jyly Almatydaǵy Jeltoqsan oqıǵasynyń belsendi qatysýshysy.
1994 jyldan Qazaqstannyń aýdıtorlar palatasynyń múshesi. Parlamenttiń birqatar shaqyrylymdarynda depýtat, sonyń ishinde Májilistiń Qarjy jáne bıýdjet komıtetiniń múshesi bolyp kelgen edi.