Nurtaı Sabılıanov Abaı men ShQO joldaryn jóndeý máselesin kóterdi
«Abaı jáne Shyǵys Qazaqstan oblystarynda halyqpen kezdesýler ótkizgende jol jóndeý máselesi jıi kóterildi. Mysaly, «Qalbataý – Maıqapshaǵaı» jáne «Qalbataý – Aıagóz - Úsharal» respýblıkalyq mańyzy bar jol ýchaskelerin jóndeý osy kúnge deıin tolyq aıaqtalmaǵan. Bul joldar halyqqa qıyndyq týǵyzyp otyr. Ásirese, Úshbıik – Aıagóz 92 shaqyrym aralyǵyndaǵy jolda júrý qıynǵa soǵýda. Sonymen qatar, «Semeı-Qaınar» jáne «Qaraǵandy-Aıagóz-Boǵas» respýblıkalyq mańyzy bar joldardy jóndeý jumysy toqtap qalǵan», - dedi Premer-Mınıstrdiń birinshi orynbasary Roman Sklıardyń atyna depýtattyq saýal joldaǵan Nurtaı Sábılıanov
Sondaı-aq, ol Aıagóz aýdanynyń Aqtoǵaı kentinen respýblıkalyq mańyzy bar jolǵa deıingi 85 shaqyrym joldyń jaǵdaıy óte nashar, tozǵanyn atap ótti.
«Osyǵan baılanysty sizden «Qalbataý – Maıqapshaǵaı» jáne «Qalbataý – Aıagóz - Úsharal» respýblıkalyq mańyzy bar jol ýchaskelerin jóndeýdi aıaqtap, «Semeı – Qaınar» jáne «Qaraǵandy-Aıagóz-Boǵas» respýblıkalyq mańyzy bar joldardy tolyq jóndeýdi, Aqtoǵaı kentinen respýblıkalyq mańyzy bar jolǵa deıingi 85 shaqyrym jolǵa kúrdeli jóndeý jumysyn júrgizýdi suraımyz. Sonymen qatar, osy joldardy jóndeýge bólinetin qarajattyń tıimdi paıdalanýyn qamtamasyz etý kerek», - dedi Májlis deptýtaty.