Nurtaı Ábiqaev ákimdik janynan ınnovatsııalar jónindegi keńesti qurýdy usyndy
dep habarlaıdy QazAqparat.
«Innovatsııalyq jumystardy jandandyrý úshin jáne bul baǵytta budan ári qaraı júıelik sharalarǵa negizdelý turǵysynda qala ákimi janynan ınnovatsııalar jónindegi keńesti qurǵan oryndy bolar edi»,-dedi N. Ábiqaev. Onyń sózine qaraǵanda, bul keńes osy baǵytta barlyq jumystardy úılestirip, ınnovatsııalyq qyzmettiń tıimdiligine qol jetkizý boıynsha usynystar jasap, sondaı-aq elordada júrgizilip jatqan údetilgen ındýstrııaldyq-ınnovatsııalyq baǵdarlamasyn iske asyrý sharalarynyń monıtorıngin atqarar edi.
Bundaı keńes ınnovatsııalyq damýǵa óz septigin tıgizetinin aıtyp ótken N. Ábiqaev, Qazaqstan Ulttyq jaratylystaný ǵylymdary akademııasynyń prezıdıýmy bul sharalar boıynsha jobalar men keńes quramyn daıarlaýǵa daıyn ekenin jetkizdi.
Óz kezeginde Astana qalasynyń ákimi Imanǵalı Tasmaǵambetov bul usynys qabyldanatynyn jetkizdi. «Bundaı keńes qajet dep sanaımyn»-dedi ákim. Osy turǵyda ol ınnovatsııalyq jobalardy óndiriske qosý eń basty másele ekenin aıtyp ótti.
«Sonymen birge ınnovatsııanyń úzdik ónertapqyshtaryna arnalǵan qala ákimi júldesin taǵaıyndaý ınnovatsııalyq qyzmetti damytý boıynsha taǵy bir qadam bolar edi»,-dedi sóz sońynda Nurtaı Ábiqaev.