Nursultan Tursynov grek-rım kúresinen olımpıada joldamasyna ıe boldy

<p><span style="font-family: sans-serif; font-size: 18px;">Qazaqstandyq balýan Nursultan Tursynov Serbııa astanasy Belgrad qalasynda máresine jetken álem chempıonatynda grek-rım kúresinen olımpıada joldamasyna ıe boldy, dep habarlaıdy QazAqparat tilshisi.&nbsp;</span></p>

Abaı oblysynyń týmasy Nursultan Tursynov (jeke bapkeri Erǵazy Saǵynaev) 87 kelige deıin salmaqta qola júlde úshin básekede olımpıada chempıony, ýkraınalyq Jan Belenıýkqa ese jiberdi.

Degenmen jarys sharty boıynsha jeńilip qalǵandar úshin taǵy bir joldama oınatyldy.

Bul beldesýde Nursultan ázerbaıjandyq Islam Abbasovty 8:0 esebimen bet qaratpaı, aıqyn basymdyqpen utty.

Sóıtip óz salmaǵynda besinshi orynǵa taban tirep, olımpıada joldamasyn jeńip aldy.

Osylaısha, kúres túrlerinen dúnıejúzilik dodada Qazaqstan quramasyna qos joldama buıyrdy.

Buǵan deıin erkin kúresten Azamat Dáýletbekov qola júldeger atanyp, olımpıada lıtsentsııasyn qanjyǵasyna baılaǵan edi.

Eske sala keteıik, budan buryn Jámıla Baqbergenovanyń Azııa oıyndarynda olımpıadalyq salmaqta kúresetinin jazǵan edik.