Nursultan Nazarbaevtyń jerlesi Tuńǵysh Prezıdenttiń balalyq shaǵy týraly aıtty

ShAMALǴAN. QazAqparat -83 jastaǵy qarııa Qulahmet Sháripov QR Tuńǵysh Prezıdenti - Elbasy Nursultan Nazarbaevtyń bala kezde qandaı bolǵany týraly aıtty, dep QazAqparat tilshisi.

Elbasynyń jergilikti turǵyndarmen kezdesýi «Atameken» tarıhı-mádenı ortalyǵynyń aldynda ótedi. Dál osy ýaqytta jergilikti halyq Elbasymen kezdesý úshin ortalyq aldyna jınalýda.

«1944 jyly biz osy aýylǵa kóship keldik. Bir qart kisimen birge turdyq. Mektepke Elbasymen birge oqyp, birge oınadyq. Shamalǵan ózeninde muz qatqanda konkımen syrǵanaq teýip, asyq oınaıtynbyz. Aýyldaǵy aqsaqaldarymyz ylǵı Nursultandy kórgende onyń úlken azamat bolatynyn boljaıtyn. Shynymen de solaı boldy. Biz ony maqtan tutamyz. Meniń jasym 82-de, zeınetaqym bar alyp jatqan. Balalarym jumys istep, ósip kele jatyr»,- dedi jerlesi Qulahmet Sháripov.

Eske salsaq, naýryz aıynyń sońynda Nursultan Nazarbaev Almatyǵa saparlap kelgen bolatyn. Almaty áýejaıynda QR Tuńǵysh Prezıdentin jastar gúl shoqtarymen qarsy aldy. Sonymen qatar, Nursultan Nazarbaev Almatydaǵy rezıdentsııasynda birqatar kezdesý ótkizdi.