«Nursultan Nazarbaevtyń modelin» ǵalymdar ǵana emes, memleket basshylary jáne halyqaralyq uıymdardyń kóshbasshylary zertteýde - E. Toǵjanov

TANA. 30 qarasha. QazAqparat /Jasulan Amanbaıuly/ - «Nursultan Nazarbaevtyń modelin» ǵalymdar ǵana emes, memleket basshylary jáne halyqaralyq uıymdardyń kóshbasshylary zertteýde. Bul týraly búgin Astanada ótken «Táýelsizdik. Elbasy. El birligi» halyqaralyq konferentsııasy kezinde Qazaqstan halqy assambleıasy tóraǵasynyń orynbasary Eraly Toǵjanov aıtty.

«Qazaqstan etnosaralyq toleranttyq pen qoǵamdyq kelisimniń tıimdi úlgisi ornyqqan elderdiń biri retinde álemge áıgili. Dúnıejúzi bul úlgini «Nursultan Nazarbaevtyń modeli» dep tanydy», - dep atap ótti E. Toǵjanov.

Onyń aıtýynsha, Qazaqstannyń ultaralyq kelisim jáne eýrazııalyq yqpaldastyq salasyndaǵy tájirıbesi ǵalymdarmen ǵana emes, memleket basshylarymen jáne halyqaralyq uıymdardyń kóshbasshylarymen zerttelýde.

Qazaqstandyq model BUU, EQYU uıymdarynda jáne Jeneva, Nıý-Iork, Varshava, Kopengagen, Vena forýmdarynda tanystyryldy. Biz basqa memlekettermen elimizde qalyptasqan tájirıbemen jáne «Nursultan Nazarbaev modelimen» bólise alamyz», - deıdi ol.

Eske sala keteıik, búgin Qazaqstannyń turaqtylyqqa qatysty naqty tájirıbesin talqylaýǵa arnalǵan sharaǵa otandyq ǵalymdardan bólek, álemniń 13 elinen kelgen sarapshylar, ǵalymdar jáne saıasattanýshylar qatysty.