Nursultan Nazarbaevtyń birinshi jataqhanasy qandaı boldy
20:27, 28 Sáýir 2018
ASTANA. QazAqparat - Qazaqstan halqy Assambleıasynyń XXVI sessııasynda Elbasy Nursultan Nazarbaev birinshi jataqhanasynyń qandaı bolǵanyn aıtyp berdi, dep habarlaıdy QazAqparat.
«Meniń birinshi jataqhanam Temirtaýdaǵy palatka boldy. Kóshede boran, aıaz, al biz palatkada 30 adam turdyq. Bastapqyda komsomol joldamasymen Qaraǵandy metallýrgııalyq kombınatynyń qurylysy boldy. Odan keıin Qaraǵandy jataqhanasyn aldyq, jetinshi qabatta turdyq, úıdiń nómiri de esimde, onda tórt adam jattyq», - dedi Elbasy.
Sonymen qatar, Memleket basshysy bes áleýmettik bastamasy aıasynda salynatyn stýdentterge arnalǵan jataqhananyń qonatyn ǵana oryn emes, durys ómir súrip, bilim alýǵa da laıyqty tolyqqandy baza bolýy tıistigin basa atty.