Nursultan Nazarbaevtyń «Bir beldeý, bir jol» forýmyna qatysý qorytyndysy týraly AKM basshysy pikir bildirdi
«Memleket basshysy kóptegen kezdesýler ótkizedi, ádette telekamera obektıvine kóp túse bermeıtin biraq, birqatar saıası jáne ekonomıkalyq máseleler talqylanatyn beıresmı áńgimelesýlerdiń de sany óte kóp. Sol sebepti, Memleket basshysy iri forýmdarǵa barǵan saparyn elimizdiń múddesi úshin barynsha tıimdi paıdalanady», - dep atap ótti mınıstr.
Dáýren Abaev Jibek joly ekonomıkalyq beldeýin qurýdyń artyqshylyqtary jóninde egjeı-tegjeıli aıtyp berdi.
«Memleket basshysy Nurly jol qurylymdyq emes baǵdarlamasyn jarııalaıdy. Jol degenimiz, Prezıdenttiń aıtýynsha, qan júretin kúre tamyrlar sekildi. Jibek joly qazirgi qoldanystaǵy joldarǵa qosymsha kúre joldar bolmaq. Birinshiden, Taldyqorǵannan Oralǵa deıingi jaqsy joldarymyz bar, ekinshiden taǵy da Lıanıýngan men Shanhaıdan bastap sapaly joldar salynyp, Qytaıdan keletin júk aǵyny Qazaqstanmen shektelip qalmaı, Eýropa men Reseıge jol tartady», - dedi mınıstr.
Spıker Qazaqstannyń geosaıasattaǵy róli arta bastady dep esepteıdi.
«Memleket basshysy teńiz tasymaldarynan únemi mysal keltirip otyrady: arzan bolǵanymen, uzaq ýaqytty talap etedi, ıaǵnı taýar Shanhaı portynan Rotterdamǵa deıin aılap jetýi múmkin. Naq osy oraıda taýardyń tezirek jetkizilýine múmkindik beretin ózge nusqany usyna alamyz. Bul arqyly Qazaqstannyń geosaıasattaǵy róli arta bastaıdy. Ekinshiden, bul ekonomıka. Barlyq taýarlardy ótkizý arqyly aıtarlyqtaı paıda túsire alamyz. Teńiz portyndaǵy barlyq logıstıka qurǵaq portta da jumys isteıtin bolady», - dep Dáýren Abaev óz sózin túıindedi.