Nursultan Nazarbaevtyń bastamalary týraly 5 jańa kitap tanystyryldy
Atalǵan jınaqtarǵa maqalalar men estelikter bergen avtorlar arasynda Qazaqstannyń alǵashqy Syrtqy ister mınıstri Tóleýtaı Súleımenov, QR Parlamenti Májilisiniń depýtaty Qýanysh Sultanov, Memleket jáne qoǵam qaıratkeri Qabıdolla Sárekenov, QR Tuńǵysh Prezıdenti – Elbasy qory atqarýshy dırektorynyń orynbasary Igor Rogov jáne Máskeý memlekettik ýnıversıteti qazaqstandyq fılıalynyń dırektory Aleksandr Sıdorovıch bar.
«Elbasy kitaphanasynyń bastamasymen shyǵarylǵan bul kitaptar jalpy bizdiń qoǵam úshin, memleket úshin, ásirese bolashaq urpaq úshin óte mańyzdy. Biz táýelsizdik alǵannan keıingi 30 jyl ýaqytta qandaı jaǵdaıdy basymyzdan ótkizdik, bul joldan ótý úshin qandaı sharalar, qandaı memlekettik saıasat júrgizildi? Qazaqstan degen kim, memlekettiń múmkindigi qandaı, áleýeti qandaı, qoǵamnyń sapasyn jaqsartý úshin qandaı reformalar júrgizildi? Osy suraqtardyń jaýaby búgingi jańa kitaptarda jazylǵan. Jastar úshin bul – ónege, tarıh», - dedi Qýanysh Sultanov Nazarbaev ortalyǵynda jańa kitaptardyń tanystyrylymynda.
Memleket tarıhy ınstıtýtynyń dırektory, professor, tarıh ǵylymdarynyń doktory Búrkitbaı Aıaǵan jańa jınaqtardy qazirgi zaman tarıhyn zertteıtin ǵalymdar úshin asa qajet dep baǵalady.
«Búgingi jınaqtardy QR Tuńǵysh Prezıdenti qorynyń qyzmetkerleri sońǵy 2-3 jylda ázirlep shyǵardy. Onda Tuńǵysh Prezıdenttiń ótken joly, estelikteri, Qazaqstandy ıadrolyq qarýdan azat etýi jáne byltyrǵy saıası tranzıt taqyryptary egjeı-tegjeıli jazylǵan. Ásirese qazirgi zaman tarıhyn zertteıtin ǵalymdar úshin, stýdentter men oqýshylar úshin paıdaly jınaqtar der edim. Qazaqstan – 30 jylda bir qan tókpeı memleket turǵan, shekarasyn belgilegen, astanasyn aýystyryp, naryqtyq ekonomıkany jasaǵan el. 1917 jyldan keıingi 30 jyldy qarasaq, Sovet bıligi soǵys, ashtyq, repressııadan 50 mln jýyq adamynan aıyrylǵan. Al Qazaqstan óziniń alǵashqy 30 jylynda beıbit memleket quryp, kúrdeli geosaıası ózgeristerdi jasaı aldy. Sonyń barlyǵyn Elbasy qory jınaqtap, daıyndap berdi. Endi ári qaraı jalǵap áketip, ózge tilderge aýdaryp taratýymyz kerek. Ǵalym retinde mundaı kitaptar taptyrmas dúnıege aınalady dep tolyq senimmen aıta alamyn», - dedi B. Aıaǵan.
Jańa jınaqtar Nursultan Nazarbaevtyń memleket negizin qurý men jan-jaqty nyǵaıtýdaǵy, kópultty Qazaqstan halqyn biriktirýdegi, turaqty, gúldengen jáne rýhanı qoǵamdy jasaýdaǵy, álemdik alpaýyttarmen yntymaqtastyq pen seriktestikti damytýdaǵy kópqyrly saıası qyzmeti men biregeı tájirıbesin, sondaı-aq onyń bitimgerlik ıdeıalaryn kórsetedi.
«Nursultan Nazarbaev: kóshbasshylyq strategııasy» atty eki bólimnen turatyn kitap Elbasynyń Qazaqstan kompartııasynyń birinshi hatshysy bolyp taǵaıyndalǵan sátten 30 jyl ishinde Qazaqstannyń ekonomıkalyq-saıası turǵydan ósip-órkendeýine qosqan úlesin, elimizdi tórtkúl dúnıege tanytyp, álem qaýymdastyǵyna moıyndatýdaǵy tarıhı rólin keńinen baıandaıdy.
«Biz biletin Elbasy» estelikter jınaǵy úsh kitaptan turady. Munda táýelsizdiktiń alǵashqy jyldarynda jas memleketti damytýdyń jańa joly men úlgisin izdegen tusta Tuńǵysh Prezıdenttiń janynan tabylǵan, odan keıin beıbit eldiń baqytyna kýá bolǵan Elbasy zamandastarynyń estelikteri toptastyrylǵan.
«N. Nazarbaevtyń eýrazııalyq bastamalary: tarıhy, qazirgi jaǵdaıy jáne bolashaǵy» - Elbasy kitaphanasynyń ǵylymı baǵdarlamasyn júzege asyrý aıasynda ázirlengen jınaq. Bul kitap eýrazııalyq ıntegratsııa ıdeıasynyń 25 jyldyǵyna jáne Eýrazııalyq ekonomıkalyq odaq týraly shartqa qol qoıylýynyń 5 jyldyǵyna arnalǵan. Bul Eýrazııa keńistigindegi ıntegratsııalyq úderisterdiń tarıhyna, mán-maǵynasy men mańyzyna arnalǵan qundy kitap.
«ıAdrolyq qarýsyz álemge betburys: Elbasy bastamalary» - Tuńǵysh Prezıdenttiń bitimgerlik bastamalaryna jáne onyń barsha adamzattyń múddesi úshin ıadrolyq qarýdan azat álemdi qurý jónindegi saıasatyna arnalǵan jınaq.
«Máńgilik el» ıdeıasy: keshe, búgin, erteń» - Elbasy kitaphanasynyń bastamasymen jaryqqa shyqqan ujymdyq monografııa. Kitapta halyqtyń ál-aýqaty men onyń jarqyn bolashaǵyn oılaıtyn, qazaqstandyq qoǵamnyń jańa modeliniń negizin qalaýshy retindegi Elbasynyń róli aıqyndalady.