Nursultan Nazarbaevqa Astanany gazdandyrý barysy baıandaldy

QOSTANAI. QazAqparat - Búgin Qostanaıda Memleket basshysy Nursultan Nazarbaevtyń sheteldik ınvestorlarmen kezdesýi barysynda Astana qalasyn gazdandyrý məselesi talqylandy, dep habarlaıdy QazAqparat tilshisi.

«Global gaz grýpp» JShS dırektory Oleg Goncharov málim etkendeı, Astana qalasynda «Turan» gaz stansasy salynǵan.  Onyń qýattylyǵy - 50 mln kýb.

«Sondaı-aq qarasha aıynda Býrabaıdaǵy stansa tapsyrylady.  2018 jyly Telman gazdandyrý aımaǵy paıdalanýǵa beriledi. Biz qazirdiń ózinde Nazarbaev ýnıversıtetin, «Ǵarysh Sapary» ǵarysh ortalyǵyn,  qorǵanys ýnıversıtetin gazben qamtamasyz etip otyrmyz. 2018 jyly «Nursultan Nazarbaev» halyqaralyq áýejaıyn, «Saryarqa» velotregin jáne ózge de nysandardy gazben qamtý josparlanýda», - dedi Goncharov.

Nursultan Nazarbaev Astanany gazdandyrý jobasynyń mańyzdylyǵyn atap ótti.

«Biz túrli nusqalardy qarastyryp kórdik:Tobyldan nemese ońtústikten tabıǵı gaz tartý, Qaraǵandy men Jezqazǵan arqyly Qyzylordadan jetkizý de oıda boldy. Degenmen, barlyǵyn qarastyryp kóremiz. Biz úshin suıytylǵan gaz óte mańyzdy», - dedi Prezıdent.

Eske salaıyq, búgin jumys saparymen Qostanaıǵa kelgen Elbasy birqatar nysandarda bold y. Atap aıtqanda, Prezıdent «Əýejaı» shaǵynaýdanynda memlekettik baǵdarlamamen salynyp jatqan turǵyn úı qurylysymen tanysty. Shaǵynaýdanda memlekettik-jekemenshik áriptestik aıasynda 900 oryndyq jalpy bilim beretin mektep, sondaı-aq sport jáne oıyn-saýyq kesheniniń qurylysy boı kóterýde.  

Sondaı-aq N.Nazarbaev «SaryarqaAvtoProm» zaýytyna bardy. Búgin «SaryarqaAvtoProm» JShS usaqtúıindi óndiris boıynsha jańa tehnologııalyq ədisti iske qosty. Ədis «monokok» dep atalady. Prezıdentke Peugeot, JAC, Iveco jəne basqa da elektromobılder kórsetildi. 

Sheteldik ınvestorlarmen, zaýyt qyzmetkerlerimen ótken kezdesýden keıin Elbasyna Qostanaı oblysynyń ınvestıtsııalyq əleýeti tanystyryldy.