Nursultan Nazarbaev jetekshi álemdik jáne otandyq BAQ-qa suhbat berýi múmkin

NUR-SULTAN. QazAqparat – QR Tuńǵysh Prezıdenti – Elbasy Nursultan Nazarbaevtyń atyna otandyq jáne sheteldik buqaralyq aqparat quraldary ókilderinen túrli taqyrypta suhbat berýin ótingen óte kóp hat kelip tústi. Bul týraly Elbasynyń baspasóz hatshysy Aıdos Úkibaı málim etti, dep habarlaıdy QazAqparat tilshisi.

«Tuńǵysh Prezıdent atyna otandyq jáne sheteldik BAQ ókilderinen túrli taqyrypta suhbat jazý ótinishimen óte kóp hat kelip tústi. Qazir bul jobalardy uıymdastyrý úshin jumys istep jatyrmyz. Jýrnalıster tarapynan saýal óte kóp. Ókinishke oraı barlyq jobaǵa qatysý múmkin emes. Degenmen, Elbasy qazirdiń ózinde birneshe suhbat jazdy. Sonymen qatar jetekshi álemdik jáne otandyq BAQ úshin suhbat uıymdastyrý máselesi pysyqtalyp jatyr», - dedi Aıdos Úkibaı.

Sonymen qatar ol taıaýda Elbasynyń baq ishindegi serýendegen sáti beınelegen sýretke qatysty pikir bildirdi. Onyń atap ótýinshe, bul sýret arnaýly foto sessııa barysynda túsirilmegen.

«Eger naqtyraq aıtar bolsaq, Nursultan Nazarbaev kásibı fotosessııaǵa sońǵy ret 2013 jyly qatysqan bolatyn. Sodan keıin eshqandaı fotosessııa uıymdastyrylǵan emes. Árıne, baspasóz qyzmetimizdiń tarapynan da, ózge fotograftardan da usynys boldy. Biraq, bul másele ázirshe kún tártibinde turǵan joq», - dedi Elbasynyń baspasóz hatshysy.