Nursultan Nazarbaev: Jemqorlyqpen kúresti toqtatpaımyz

ASTANA. QazAqparat - Qazaqstan Prezıdenti Nursultan Nazarbaev eldegi atyshýly jemqorlyq oqıǵalar jóninde pikir bildirdi, dep habarlaıdy QazAqparat tilshisi.

«Álem boıynsha jemqorlyqty túbegeıli jeńgen adam joq. Biraq, bizdiń tabandylyqpen kúresip jatqanymyz barshaǵa aıan. Byltyr jáne bıyl 1129 memlekettik qyzmetshi jaýapkershilikke tartyldy. Olardyń ishinde daýly ister de bar. Burynǵy Premer-Mınıstr, keıinirek qorǵanys mınıstri qylmystyq jaýapkershilikke tartyldy.  «Astana EKSPO-2017» prezıdenti EKSPO-2017 qurylysyn 800 mıllıard teńgege josparlady. Ahmetjan Esimov kelip, shyǵyndardy 400 mıllıardqa qysqartty. Pavlodar, Atyraý, Qaraǵandy oblystarynyń burynǵy ákimderi, mınıstr orynbasarlary, sheneýnikter bar. Farmatsııamen aınalysqandar da jazaǵa tartyldy", - dedi Nazarbaev jetekshi BAQ ókilderine bergen suhbatynda.

Prezıdent jemqorlyq úshin jaýapkershilikten eshkimniń qashyp qutyla almaıtynyn basa aıtty.

«Mınıstrlerdi de túrmege otyrǵyzamyz. Munyń qaı jeri jaqsy? Al adamdy osy deńgeıge deıin ósirýge qansha ýaqyt ketedi? Anda aýystyrý, munda qoıý, baqylaý, kómektesý, qoldaý bildirý - únemi osylaı shyǵady. Sol sebepti, jemqorlyqpen kúresti júrgizip kelemiz jáne ony toqtatpaımyz. Kerisinshe, úlken kúsh-jigermen qarsy turamyz. Biraq, bizdiń azamattarymyzdyń ózi para beredi. Bul jalpyhalyqtyq is, para berýdiń qajeti joq, sonda ony alatyn da eshkim bolmaıdy", - dedi Prezıdent.

Eske sala ketsek, búgin Prezıdent Nursultan Nazarbaevtyń elimizdegi jetekshi BAQ ókilderine bergen suhbaty kórsetildi.

Onda Elbasy qazaq qoǵamyndaǵy eleýli ózgerister men ózekti máseleler týraly jýrnalıster suraǵyna jaýap berip, 2017 jyldy qorytyndylady.