Nursultan Nazarbaev: Jaýyzdardyń sózin tyńdamaý kerek
«Basqa memleketke qashyp ketken qylmyskerler sol jaqtan ártúrli daqpyrt taratady. Olardy aıaımyn. Eshkimge de kereksiz, Otansyz adamdar óziniń elinde jamanshylyq bolsa eken dep oılaıdy. Onda aramzaǵa qalaı adamnyń búıregi burýy kerek. Aıtyńdarshy?! Qazaqstanda jaman bolsyn, Qazaqstan shýyldasyn, Qazaqstan tóbelessin, qyrylyssyn deıdi. Ondaı jaýyzdardyń sózin tyńdamaý kerek», - dedi Elbasy «Habar» arnasyna bergen suhbatynda.
Elbasy ulttyń aqsaqaly, janashyry retinde jastarǵa eń aldymen bilim alýǵa tyrysý kerektigin atap ótti.
«Bizdiń ómirimiz alda. Ózińniń eńbegińmen tapsań bári bolady. «Eńbek etseń erinbeı, toıady qarnyń tilenbeı» degen ata-babamyzdyń sózi bar ǵoı. Bilimge baýlýymyz kerek. Jaqsy bilim alsań, januıańdy da asyraısyń, eshkimge baryp tilenbeısiń. Jalpy, Qazaqstannyń otbasylary bul másele boıynsha oılanýy kerek. Arandatýǵa kónbeýi tıis. Barlyǵymyzdyń oıymyz – eldiń amandyǵy, jurttyń tynyshtyǵy. Qazaqstanymyzdyń táýelsizdigi máńgi bolýy kerek dep oılaýǵa tıispiz. Sonda ǵana dúnıe júzine syıly el bolamyz. Soǵan ne jetsin?!», - dedi Nursultan Nazarbaev.