Nursultan Nazarbaev: UQShU-ǵa tóraǵalyq etetin Qyrǵyz eline barlyq kómekti kórsetemiz
«Bizdiń kezdesýimiz senim, ashyqtyq jaǵdaıynda ótip, ujymdyq qaýipsizdiktimizdiń jalpy mindetteri talqylandy. Elderimizdiń qaýipsizdik múddesi úshin memleketterdiń ózara is-qımylynyń is júzinde barlyq máseleleri qaraldy. UQShU-ny damytýdyń negizgi baǵyttary, halyqaralyq jáne óńirlik saıasattyń ózekti problemalary boıynsha konstrýktıvti pikir almasý boldy. Uıymǵa Qazaqstan tóraǵalyǵy basymdyqtarynyń oryndalý qorytyndysy shyǵaryldy. Birlesken áreketterimizdiń arqasynda alǵa qoıylǵan árbir mindet boıynsha nátıjege qol jetkizildi. Tolyqtaı alǵanda, múshe memleketter biz atqarǵan jumystarǵa joǵary baǵa berdi», - dedi Elbasy BAQ ókilderine arnalǵan málimdemesinde.
Qazaqstan Prezıdenti búgin UQShU aıasyndaǵy yntymaqtastyqty odan ary nyǵaıtýǵa jáne ujymdyq qaýipsizdikti qamtamasyz etý tetikterin jetildirýge baǵyttalǵan mańyzdy sheshimderdiń qabyldanǵanyn basa aıtty.
«Biz álemde oryn alyp jatqan saıası jáne ekonomıkalyq ahýaldy, óńirimizdegi, ásirese ońtústik bóliktegi Aýǵanstandaǵy barlyq qıyndyqtardy talqyladyq jáne de osy barlyq máseleler boıynsha sheshim qabyldandy. UQShU sammıtinde qabyldanǵan basty saıası qujat qorytyndy deklaratsııa sanalady. Onda aldaǵy kezeńge arnalǵan uıymnyń mindetteri, josparlary kórinis tapqan», - dedi Memleket basshysy.
Nursultan Nazarbaev UQShU-ǵa tóraǵalyqtyń kelesi sessııaaralyq kezeńi Qyrǵyz Respýblıkasyna ótetindigin aıtty.
«Onyń joǵary uıymdastyrýshylyq deńgeıinde ótip, uıymyzdy odan ary jan-jaqty damytýǵa aıtarlyqtaı úles qosatyndyǵyna senimdimiz. Bizde bul iste barlyq kómekti kórsetetin bolamyz», - dedi Qazaqstan Prezıdenti.
Buǵan deıin elordada Ujymdyq qaýipsizdik shart uıymy Ujymdyq qaýipsizdik keńesiniń sessııasy bastalǵanyn habarlaǵan edik.