Nursultan Nazarbaev Úkimet múshelerin oryndarynan turǵyzdy

ASTANA. QazAqparat - Búgin Úkimettiń keńeıtilgen otyrysynda Elbasy Nursultan Nazarbaev protokoldy buzyp, ústeldiń tómen jaǵyna jaıǵasqan Qarjy mınıstrin joǵary otyrǵyzdy, dep habarlaıdy QazAqparat tilshisi.

«Salyq-bıýdjet saıasatynda aýqymdy jumystar atqarylyp jatyr. Degenmen, kóleńkeli ekonomıka kúres álsiz júrgizilip otyr. Máselen, bizdiń kedenshilerdiń ımport kórsetkishteri qytaı tarapynyń málimetterinen birshama aıyrmashylyǵy bar. Mindet - aldaǵy úsh jylda kóleńkeli ekonomıka kólemin keminde 40 paıyzǵa qysqartý», - dep atap ótken Elbasy osy máselege oraı, Qarjy mınıstri Álıhan Smaıylovty ornynan turǵyzdy. Alaıda Qarjy mınıstriniń ústeldiń sońynda otyrýy Memleket basshysynyń ashýyn týǵyzdy.

«Baqytjan (Úkimet basshysy Saǵyntaev), Qarjy mınıstri ústeldiń sońynda emes, vıtse-premerlerden keıin otyrýy tıis. Orny sol jerde. Ádette Qarjy mınıstri Premer-Mınıstrdiń orynbasary bolady. Al qarashy sen qaıda otyrǵyzǵansyń? Protokoldy kim jasady? Men qazir protokoldy buzamyn», - degen Nursultan Nazarbaev Qarjy mınıstrin joǵary otyrýǵa shaqyrdy.

«Qojamjarovtan (Bas prokýror) bastap báriń bir orynǵa jyljyńdar», - dep buıyrdy Nursultan Nazarbaev.

Osydan keıin Qarjy mınıstri Úkimet basshysynyń orynbasary Erbolat Dosaev pen Qaırat Qojamjarovtyń arasyndaǵy bosaǵan orynǵa keldi.

«Mine, onyń orny. Bul Qarjy mınıstri. Osyndaı qarym-qatynasymyz bolǵandyqtan qarjy salamyz aqsap tur», - dedi Elbasy.