Nursultan Nazarbaev Tramptan S5+1 formatymen yntymaqtastyqty jalǵastyrýdy ótindi
«Eń aldymen Aq úıge, AQSh-qa shaqyryp, delegatsııama jyly qonaqjaılyq tanytqanyńyz úshin shyn júrekten rızashylyǵymdy bildirgim keledi. Sizben telefon arqyly sóılesýimiz, Er-Rııadtaǵy kezdesýimiz jáne búgingi kelissózder senim, dostyq jáne ózara túsinistik týy aıasynda ótýde. Bul saparym qazaqstandyq-amerıkalyq qarym-qatynasty eki halyq pen eldiń ıgiligi úshin keńeıtilgen strategııalyq seriktestik deńgeıine kóteretindigine senimim mol. Sondyqtan da biz búgin Astana men Vashıngtonnyń ózara qarym-qatynasyndaǵy jańa dáýirge bastamashy bolatyn birlesken saıası málimdeme qabyldaımyz», - dedi Nursultan Nazarbaev.
Memleket basshysy AQSh Qazaqstan Táýelsizdigin eń birinshi moıyndaǵanyn jáne sol ýaqyttan beri Qazaqstanǵa saıası qoldaý kórsetip kele jatqanyn atap ótti. Bul eldiń nyǵaıyp, álemdegi qurmetti memleketke aınalýyna septigin tıgizgenin basa aıtty. Sonymen qatar Elbasy Ortalyq Azııadaǵy bes memlekettiń atynan kelip otyrǵanyn eske saldy.
«Qazirgi ýaqytta Ortalyq Azııaǵa úlken memleketterdiń qyzyǵýshylyǵy zor. Bizdiń kórshilerimiz - bir jaǵynda Reseı, ekinshi jaǵynda Qytaı, ońtústikte ıslam álemi. Bul rette AQSh-tyń bizdiń S5+1 formatymyzǵa qatysýy óte mańyzdy. Men Prezıdentten bul yntymaqtastyqty jalǵastyrýdy ótinemin», - dedi Nursultan Nazarbaev.
Foto: Aqordanyń baspasóz qyzmeti