Nursultan Nazarbaev Temirtaýdyń demalys saıabaǵyn aralady
14:33, 07 Qyrkúıek 2018
TEMІRTAÝ. QazAqparat - Nursultan Nazarbaev mádenıet jáne demalys saıabaǵyn aralap kórdi, dep habarlaıdy Aqordanyń baspasóz qyzmeti.
Jumys sapary barysynda Elbasy Temirtaý qalasynyń mádenıet jáne demalys saıabaǵyna «Rýhanı jańǵyrý» baǵdarlamasy aıasynda júrgizilgen qaıta jóndeý jumystarynyń nátıjelerimen tanysty.
Memleket basshysy bıýdjetten tys qarajat esebinen saıabaq aýmaǵynda salynǵan nysandardy aralap kórdi. Sonymen qatar, Nursultan Nazarbaev saıabaqta qalanyń ótken ǵasyrdyń 50-60 jyldardaǵy tarıhyn beıneleıtin teatrlandyrylǵan qoıylymdy tamashalady.
Sondaı-aq, Qazaqstan Prezıdenti óz zamandastarymen jáne metallýrgııa kombınatynda birge jumys istegen burynǵy áriptesterimen júzdesip, áńgimelesti.