Nursultan Nazarbaev Temirtaýdaǵy saıabaqta jastarmen birge án shyrqady

ASTANA. QazAqparat - Aqordanyń Instagram jelisindegi paraqshasynda Qazaqstan Prezıdenti Nursultan Nazarbaevtyń jastarmen birge án shyrqap otyrǵan vıdeosy jarııalandy, dep habarlaıdy QazAqparat tilshisi.

Shaǵyn vıdeoda Elbasynyń jastarmen birge ótken ǵasyrdyń tanymal ánin shyrqap otyrǵanyn kórýge bolady. Nursultan Nazarbaev bastaǵan «Pesnıa o trevojnoı molodostı» ánin ónerli jastar ilip áketip, birlese shyrqaıdy.

Posmotret etý pýblıkatsııý v Instagram

Pýblıkatsııa ot AkordaPress (@akordapress) 7 Sen 2018 v 2:13 PDT

 

Eske sala ketsek, buǵan deıin Prezıdenttiń Temirtaýdyń demalys saıabaǵyn aralaǵanyn habarlaǵan bolatynbyz. Temirtaýǵa jumys sapary barysynda Elbasy Temirtaý qalasynyń mádenıet jáne demalys saıabaǵyna «Rýhanı jańǵyrý» baǵdarlamasy aıasynda júrgizilgen qaıta jóndeý jumystarynyń nátıjelerimen tanysqan edi.

Memleket basshysy sapar barysynda bıýdjetten tys qarajat esebinen saıabaq aýmaǵynda salynǵan nysandardy aralap kórgen. Sonymen qatar, Nursultan Nazarbaev saıabaqta qalanyń ótken ǵasyrdyń 50-60 jyldardaǵy tarıhyn beıneleıtin teatrlandyrylǵan qoıylymdy tamashalady. Sondaı-aq, Qazaqstan Prezıdenti óz zamandastarymen jáne metallýrgııa kombınatynda birge jumys istegen burynǵy áriptesterimen júzdesip, áńgimelesti.