Nursultan Nazarbaev tegin emdelip jatyr ma

ASTANA. QazAqparat – Búgin Qazaqstan Respýblıkasynyń birinshi Prezıdenti Nursultan Nazarbaevtyń júregine emdeý-dıagnostıkalyq protsedýra jasalǵany habarlandy. Em tegin júrgizildi me? Bul saýalǵa Ulttyq ǵylymı kardıohırýrgııa ortalyǵynyń hırýrgııa boıynsha dırektory ıÝrıı Pıa jaýap berdi, dep habarlaıdy QazAqparat tilshisi.

«Atalǵan emdeý protsedýrasy barlyq azamat úshin tegin. Onyń ishinde Nursultan Nazarbaev ta bar. Qarjy jaǵynan alǵanda bul qymbat protsedýra. Qýanyshqa qaraı, Qazaqstan azamattarynyń tegin emdelý múmkindigi bar», - dedi ıÝrıı Pıa elordada ótken brıfıngide BAQ ókilderiniń saýalyna jaýap bere otyryp.

Onyń aıtýynsha, Nursultan Nazarbaevqa el qatarly qyzmet kórsetilip jatyr.

«Qazir patsıenttiń janynda emdeýshi jáne kezekshi dáriger bar. «Erekshe jaǵdaı jasaldy ma?» degenge kelsek, bizde VIP degen túsinik joq, barlyq klıent birdeı», - deıdi ol.

Sondaı-aq, maman tuńǵysh prezıdenttiń kardıohırýrgııa ortalyǵy ashylǵan sátten konsýltatsııadan ótip turatyndyǵyn jetkizdi.

Buǵan deıin kardıohırýrg Nursultan Nazarbaevtyń qazirgi jaǵdaıy týraly aıtyp bergen edi.

Aıta ketsek, búgin Nursultan Nazarbaevqa ota jasalǵany habarlandy.

«Nursultan Nazarbaevtyń júregine ota jasaldy. Operatsııa sátti ótti. Tuńǵysh Prezıdenttiń ómirine qaýip tónip turǵan joq. Ota Ulttyq kardıohırýrgııa ortalyǵynda tanymal kardıohırýrg ıÝ.Pıanyń jetekshiligimen jasaldy», - dep jazǵan edi Tuńǵysh Prezıdenttiń baspasóz hatshysy Aıdos Úkibaı Twitter paraqshasynda.