Nursultan Nazarbaev taratpaý salasyndaǵy senimdi nyǵaıtýdyń birqatar sharasyn usyndy
Otyrys barysynda Qazaqstan Prezıdenti taratpaý salasyndaǵy senimdi nyǵaıta túsý úshin birqatar shara usyndy.
«Birinshi. ıAdrolyq qarýdy taratpaý týraly sharttan shyǵý protsesin qıyndatý qajet dep sanaımyn. QHDR-dyń áreketi ıadrolyq qarýdy ıelensem degen ambıtsııasy bar basqa elderdi osyndaı qadamǵa ıtermeleýi múmkin. ıAdrolyq qarýdy taratpaý týraly shartqa kúmán keltirmeı, bul shartty buzatyn elder úshin osynyń naqty saldaryn aıqyndaıtyn BUU Qaýipsizdik keńesiniń arnaıy qararyn ázirleý múmkindigin qarastyrýdy usynamyn», - dedi QR Prezıdenti.
Memleket basshysy ekinshiden, jappaı qyryp-joıý qarýlaryn ıemdenýge jáne taratýǵa qatysty qatań shara qoldanýdyń naqty jumys isteıtin mehanızmin ázirleý kerektigin basa aıtty.
«Mundaı kópjaqty kelisimderdi BUU Qaýipsizdik keńesiniń jekelegen qararlarynda bekitý qajet. Jappaı qyryp-joıý qarýlaryn ıemdený nıetine jol bermeýdiń basty sharasy retinde atom qarýyn ıelenýden erikti túrde bas tartqan jáne ıadrolyq qarýy joq memleketterge ıadrolyq derjavalardyń beretin kepildigin zań júzinde mindetteıtin júıeni damytý qajet», - dedi Nursultan Nazarbaev.
Úshinshiden, Elbasy jahandyq qaýipsizdik júıesin jańartý protsesiniń sátti nemese sátsiz bolýy álemdik qoǵamdastyqtyń mılıtarıstik anahronızmdi eńserý qabiletine tikeleı baılanysty ekendigin atap ótti.
«Esh maǵynasy joq ári arandatýshylyq týǵyzatyn áskerı bloktarǵa bólinýdi ótkenniń úlesine qaldyrý kerek. Dál osy tusta memleketter arasyndaǵy senim asa qajet. Men soǵysqa qarsy jalpyálemdik sharalar týraly kózqarasymdy «Álem, XXI ǵasyr» atty manıfesimde bildirdim. Bul qujatta BUU-nyń 100 jyldyǵy qarsańynda ıadrolyq qarýdan azat álem qurýǵa jaǵdaı jasaıtyn is-qımyldardy usynǵan edim», - dedi Nursultan Nazarbaev.
Tórtinshiden, Qazaqstan Prezıdenti halyqaralyq qarym-qatynasqa saıası senim men júıeli dıalogty mindetti túrde qaıtarý kerektigin atap ótti.
«Іs-qımyldy tolyqtaı qamtıtyn birlesken jospar sonyń jarqyn mysaly bolmaq», - dedi Elbasy.