Nursultan Nazarbaev Soltústik Koreıa basshylyǵyn Qazaqstan jolymen júrýge shaqyrdy
Búgingi is-shara Qazaqstannyń BUU Qaýipsizdik Keńesindegi tóraǵalyǵy kezindegi negizgi shara. Jıyn jahandyq kún tártibindegi eń ózekti taqyryptardyń birine arnalyp otyr. Beıbitshilik pen qaýipsizdikke qol jetkizý jolyndaǵy senim sharalary shıelenistiń aldyn alý men mańyzdy jahandyq problemalardy sheshýde negizgi ról oınaıdy. Men BUU Bas Assambleıasynyń 47-sessııasynyń minberinen Azııadaǵy qaýipsizdik pen senim sharalary jónindegi óńirlik qurylym qurý jóninde usynys aıtqan bolatynmyn. Tynymsyz dıplomatııalyq jumystyń nátıjesinde bul mehanızm quryldy», - dedi Memleket basshysy.
Elbasynyń aıtýynsha, qazirgi tańda Azııadaǵy ózara yqpaldastyqtyń jáne senim sharalary keńesi óńirdegi 26 memleketti biriktirip, jemisti jumys isteýde.
«Shırek ǵasyrdan keıin BUU ǵımaratynda Qaýipsizdik Keńesiniń turaqty emes múshesi retindegi Qazaqstan atynan sóz sóılep turmyn. Biraq jekelegen elder arasynda da, jahandyq deńgeıde de ózara senimdi arttyrý máselesiniń áli de kúrdeli ekenin jáne onyń kúnnen-kúnge ózekti bola túskenin aıtýǵa májbúrmin. Senim sharalary jahandyq qaýipsizdikti qoldaýdyń, búkil planeta kóleminde beıbitshilikti nyǵaıtýdyń asa mańyzdy elementi retinde kún tártibinen túspeýi tıis», - dedi Elbasy.
Osy oraıda Nursultan Nazarbaevtyń onyń sebebin de túsindirip berdi.
«Birinshiden, senim sharalary búkil adamzatqa jańa joıqyn soǵys qateri tóngen XX ǵasyrdyń ekinshi jartysynda jappaı joıylý qaýpiniń aldyn alý kezinde ózin-ózi aqtady. BUU Jarǵysynda «Bizdik basty mindetimiz ‒ keler urpaqty soǵys órtinen qutqarý» dep jazylǵan. BUU júıesindegi shırek ǵasyr ishinde meniń elim qarqyndy damý jolynan ótti. ıAdrolyq arsenal boıynsha álemdegi tórtinshi elder taratpaý jónindegi qozǵalystyń kóshbasshysyna aınaldyq. ıAdrolyq qarýdan jáne ıadrolyq derjava mártebesinen bas tartý bizdiń sanaly ári shynaıy tańdaýymyz jáne Qazaqstannyń barsha halqy qoldap, álemdik qoǵamdastyq laıyqty baǵasyn bergen erikti qadamymyz boldy», dedi QR Prezıdenti.
Nursultan Nazarbaev búginde elimiz ıadrolyq qaýipsizdik salasyndaǵy barlyq irgeli halyqaralyq kelisimderdiń qatysýshysy bolyp otyrǵanyn basa aıtyp, ıadrolyq qarýy joq memleket retindegi mártebemizdi zańdy túrde bekitkenimizdi atap ótti.
«Ekinshiden, ózara senim ahýaly halyqaralyq yntymaqtastyqtyń jańa modelin qalyptastyrýǵa septigin tıgize alady. MAGATE-niń Tómen baıytylǵan ýran bankiniń ashylýy ‒ osy yntymaqtastyqtyń jarqyn mysaly ári onyń júzege asýynyń kórinisi, Qazaqstan ıadrolyq qarýdy taratpaý rejimin nyǵaıtýǵa osylaısha kezekti úles qosty. Úshinshiden, Qazaqstannyń ıadrolyq qarýsyz joly ózge elderge úlgi ári tájirıbe turǵysynan kómek bolar edi», - dedi Qazaqstan Prezıdenti.
Biz táýelsiz el bolyp, memleketimizdi nyǵaıttyq. ıAdrolyq qarýdan bas tartyp jáne ıadrolyq derjavalardan shabýyl jasamaý kepildigin alyp, joǵarǵy bedelge ıe boldyq.
«Osy rette, Soltústik Koreıa basshylyǵyn bizdiń jolymyzben júrýge shaqyramyz»,-dedi Prezıdent.