Nursultan Nazarbaev parasatty sheshim qabyldady - ázerbaıjandyq sarapshy

BAKÝ. QazAqparat - Qazaqstan Prezıdenti Nursultan Nazarbaev parasatty sheshim qabyldady, dep esepteıdi ázerbaıjandyq saıasattanýshy, «Atlas» saıası zertteýler ortalyǵynyń basshysy Elhan Shahınoglý. Bul týraly QazAqparattyń Ázerbaıjandaǵy menshikti tilshisi habarlady.

«Mol tájirıbesi bar Nazarbaev Prezıdent retinde Qazaqstandy 1991 jyldan beri basqardy jáne osy jyldar ishinde respýblıka qýatty ekonomıkasy men energetıkalyq sektory bar myqty elge aınaldy», - dedi E.Shahınoglý.

Sondaı-aq, ol: «Jańa elorda Astana - Nursultan Nazarbaevtyń týmasy. Kóptegene adamdar jazyq dalanyń ortasyndaǵy qalanyń zamanaýı megapolıske aınalatynyna senbegen edi, biraq ol óz degenin oryndap, jańa qala turǵyzdy», - dep atap ótti.

«N.Nazarbaevtyń syrtqy saıasaty kemel boldy, ony sol úshin kóptegen elder qurmettedi jáne qurmetteı beredi. Ol tájirıbeli saıasatker retinde Reseımen, AQSh-pen, Qytaımen jáne Eýropamen Qazaqstannyń ekonomıkalyq jáne geosaıası múddesiniń negizinde qarym-qatynas ornatty», - dep atap ótti saıasattanýshy.

«Nursultan Nazarbaev Ult kóshbasshysy bolyp qala beredi. Bul degenimiz - ol eldiń kóshbasshysy bola beredi. Ol túrkitildes elderdiń ıntegratsııasy úshin kóp is tyndyrdy. Onyń saıasatyn Ázerbaıjan qatty baǵalaıdy jáne qurmetteıdi. Ol Qazaqstandy basqarǵan jyldary eki el arasynda strategııalyq qarym-qatynas ornap, óńirlik jobalar júzege asyp jatyr», - dep túıindedi sarapshy.

Avtor: Bekbaý Taımanov