Nursultan Nazarbaev: Ón boıymda ne bar - bárin de ózim taptym

ASTANA. QazAqparat - Qazaqstan Respýblıkasy Prezıdenti Teleradıokesheniniń Feısbýktegi paraqshasynda Elbasy Nursultan Nazarbaevtyń suhbatynan vıdeo úzindi jarııalandy, dep habarlaıdy QazAqparat tilshisi.

Vıdeoda Memleket basshysy bilimdi ári izdenimpaz bolý adamǵa qanshalyqty mańyzdy ekenin atap ótedi.

«Shalǵaı aýyldan shyqqan jas jigittiń, ıaǵnı meniń ákem tek gazet oqýdy biletin. Al biraq ol jaza bilgen joq. Sheshem tipti jaza da, oqı da almaıtyn. Olardyń arnaıy bilimi joq edi. «Anda bar, nemese munda baryp oqy» deıtindeı týǵandarymnyń birinde de joǵary bilim bolǵan joq. Eshkimde de joq edi. Boıymda ne bar - bárin de ózim taptym, izdedim, damyttym», - deıdi Prezıdent jastyq shaǵyn eske ala otyryp.

Atalmysh vıdeo Qazaqstan Respýblıkasy Prezıdenti Teleradıokesheniniń 2016 jylǵy arhıvinen alynǵan.