Nursultan Nazarbaev «Nur Otan» partııasynyń negizgi jumystaryn atady

NUR-SULTAN. QazAqparat - «Nur Otan» partııasynyń jobalary nátıjeli bolýy kerek. Bul týraly «Nur Otan» partııasynyń kezekten tys HІH sezinde QR Tuńǵysh Prezıdenti - Elbasy Nursultan Nazarbaev málim etti, dep habarlaıdy QazAqparat tilshisi.

Іri saıası «Nur Otan» partııasynyń Tóraǵasy qyzmetin jalǵastyratynyna toqtalǵan Elbasy, «Nur Otan» partııasyn ary qaraı eldi damytý strategııasy aınalasyna qoǵamnyń barlyq toptaryn biriktirýdi jalǵastyrýy kerek. Bul baǵyttaǵy qadamdar eldiń ıgiligine baǵyttalǵan. Jańǵyrtý sharalarynan árbir qazaqstandyq ońtaılyq nátıjeni sezinýine kúsh-jigerimizdi salýymyz kerek. Onyń ishinde «Baqytty otbasy», «Qutty meken», «Aýyl-el besigi», «Halyqqa kómek» sekildi partııalyq jobalardy júzege asyrý aıasynda jumysty jalǵastyrý qajet», - dedi.

N. Nazarbaev bul bastamalar sóz júzinde qalmaýy kerektigin tapsyrdy.

«Partııanyń barlyq uıymdary jergilikti jerlerde osy belgilengen baǵdarlamalardy qolǵa alyp, halyqtyń ishinde jumys istep, osydan nátıjeni kórsetýi kerek», - dedi QR Tuńǵysh Prezıdenti.

Budan buryn habarlanǵandaı, QR Tuńǵysh Prezıdenti - Elbasy Nursultan Nazarbaevtyń tóraǵalyǵymen «Nur Otan» partııasynyń kezekten tys HІH sezi ótip jatyr. Elbasy óz sózinde Qasym-Jomart Kemeluly árbir iske zor jaýapkershilikpen qaraıtyn memleket qaıratkeri ekenin atap ótti.

Elbasy halyqtyń ál-aýqatynyń ıgiligine jumysyn jalǵastyratynyn atap ótti.