Nursultan Nazarbaev musylmandar arasynda Nobel syılyǵy ıegeriniń sanyn arttyrýdy usyndy

ASTANA. QazAqparat - Islam 21 ǵasyrda álemdegi eń kóp taraǵan dinge aınalady. Bul týraly búgin  elorda tórinde  bastalǵan Islam yntymaqtastyq uıymynyń ǵylym jáne tehnologııalar jónindegi birinshi sammıtinde Qazaqstan Prezıdenti Nursultan Nazarbaev aıtty, dep habarlaıdy QazAqparat.

«Islam búginde qarqyndy damyp kele jatqan din. 21 ǵasyrda ol álemdegi eń kóp taraǵan dinge aınalady. Paıǵambar hadısinde «besikten qabirge deıin bilim izdeńder» dep aıtylǵan. Bizdiń basty mindetimiz - ıslam órkenıetine qyzmet etetin, jańa ıdeıalardy júzege asyratyn ıntelektýaldy jańa elıtany tárbıeleý», - dedi Nursultan Nazarbaev.

Qazaqstan Prezıdenti alaıda musylman  memleketteri ǵylymı zertteýler men ázirlemelerge ortasha alǵanda jalpy ishki ónimniń jarty protsentin ǵana bóletindigin, ol  2,3 protsentti quraıtyn  álemdik kórsetkishten áldeqaıda tómen ekendigin atap ótti.

«Qoǵamdastyq memleketterinde 1 mln turǵynǵa shaqqanda  zertteýshilerdiń sany 615 adam bolady. Ol álemdik ortasha kórsetkishten  2,5 ese az. Islam áleminde ǵylym boıynsha Nobel syılyǵynyń tek qana 2  laýreaty bar.  Olar: Pákistan fızıgi Mohammed Abdýs Salam - 1979 jyly, Mysyr hımıgi Ahmed Hasan Zeveıl - 1999 jyly. Osy  jaǵdaıdy kúrt ózgertýimiz kerek», - dedi Elbasy.