Nursultan Nazarbaev: Másele jumyssyzdyqta emes, mamandyq ıgerýde jatyr

ShAMALǴAN. QazAqparat - Búgin Almaty oblysy Shamalǵanda QR Tuńǵysh Prezıdenti- Elbasy Nursultan Nazarbaev jerlesterimen kezdesý barysynda eldiń áleýmettik jaǵdaıyna toqtaldy, dep habarlaıdy QazAqparat tilshisi.

«Qazaqstannyń bolashaǵy zor. Elimizde jastardyń oqýyna, til úırenýine tolyq jaǵdaı jasalyp jatyr. Bolashaǵymyz bilim men ǵylymda. Sizder aýyldyń adamdarysyzdar. Aýyl úshin talaı baǵdarlama jasalyp, jumystar júrgizilýde. Aýyl turǵyndaryna shaǵyn nesıeler usynylyp, jumys isteımin degenderge, mamandyǵy joqtarǵa zamanǵa saı mamandyq ıgerýge múmkindik berilgen. Qazir másele jumysyzdyqta emes, mamandyqty durys ıgermeýde jatyr. Mamandyǵy bar adam jumysty kez kelgen jerden taba alady», - dedi ol.

Eske salsaq, QR Tuńǵysh Prezıdenti - Elbasy Nursultan Nazarbaev týǵan jeri Shamalǵanǵa keldi.