Nursultan Nazarbaev KSRO úkimetin basqarý usynysynan qalaı bas tartqanyn aıtty

ALMATY. QazAqparat - Búgin Almatyda ótip jatqan «Kemeńgerliktiń 30 jyly» atty halyqaralyq konferentsııada QR Tuńǵysh Prezıdenti Nursultan Nazarbaev óziniń KSRO Úkimetin basqarý týraly usynystan qalaı bas tartqanyn aıtty, dep habarlaıdy QazAqparat tilshisi.

«Sol kezdegi bedeldi basshylar Gorbachev pen Eltsın 1990 jyldardyń basynda maǵan KSRO premer-mınıstri bolýdy usynǵan bolatyn. Áli kúnge oılanamyn - olaı bolsa Qazaqstannyń ómiri qalaı bolar edi? Sol kezde men ómirimdegi eń mańyzdy sheshimdi qabyldadym. Sol ýaqyttan bastap meniń basty mindetim - týǵan Qazaqstanymnyń taǵdyry boldy», - dep esine aldy Elbasy.

Tuńǵysh Prezıdenttiń sózinshe, sol jyldary saıasatker retinde strategııalyq oılaýdyń mańyzyn alǵash ret túsingen.

«Osy almaǵaıyp zamanda kememdi qaı jaǵalaýǵa jetkizsem degen úlken tańdaý aldynda turdym. Qazir sol qıyndyqtardy qalaı sheshkenimdi aıtsam dep otyrmyn», - dedi N.Nazarbaev.