Nursultan Nazarbaev qoldaý kórsetken Qazaqstan halqyna alǵys aıtty
«Men elimizdegi jobany talqylaý barysyn baıqap otyrdym. Azamattardyń kóbisi ózgerister qazirgi bılik vertıkaliniń álsireýine alyp kelmeı me degen alańdaýshylyq bildirdi, sondaı-aq Prezıdentke qoldaý bildire otyryp, kerisinshe Memleket basshysynyń rólin kúsheıtýdi usyndy. Óz pikirlerin aıtqan barlyq azamattarǵa shyn júrekten alǵysymdy aıtamyn, olardyń arasynda sizderdiń de usynystaryńyz boldy»,-dedi Nursultan Nazarbaev Parlament palatalarynyń birlesken otyrysynda depýtattarǵa qaratyp aıtqan sózinde.
Sonymen qatar Elbasy burynǵysynsha Konstıtýtsııaǵa sáıkes, Prezıdent joǵarǵy memlekettik bıliktiń negizi bolyp qala beretinin atap ótti.
Onyń quzyretine Ata zańdy qorǵaý salasynda, bılik tarmaqtary arasyndaǵy qatynystar, qorǵanys jáne qaýipsizdik, eldiń syrtqy ári ishki saıasaty sekildi strategııalyq qyzmetter qalady.
«Atalǵan reforma kenetten jasalǵan usynys emes, tereń oıdyń, búgingi shynaıylyqqa tyńǵylyqty qadamnyń jemisi ekenin atap ótkim keledi»,-dedi Elbasy.