Nursultan Nazarbaev kelesi Joldaý qandaı máselelerdi qozǵaıtynyn aıtty
«Búgin men atap ótken jumystardyń barlyǵynyń túpki mejesi - eldiń turmys-tirshiligin jaqsartyp, ary qaraı damı túsý. Osy maqsatqa jetýimiz ekonomıkalyq-saıası, áleýmettik, rýhanı birligimizdiń myzǵymaýyna tikeleı baılanysty. Bul oraıda halyq qalaýlylaryna da zor jaýapkershilik júkteledi. Eldiń údesinen shyǵyp, Qazaqstandy turaqty jáne qarqyndy damytý jolynda jemisti jumys isteıtindikterińizge senemin. Bárińizdi kezekti parlamenttik sessııanyń ashylýymen taǵy da quttyqtaı otyryp, qyzmetterińizge tabys, otbasylaryńyzǵa amandyq tileımin. Іske sát!», - dedi Memlket basshysy Parlament palatalarynyń birlesken otyrysynda.
Elbasy aldaǵy ýaqytta jarııa etiletin halyqqa Joldaýynda qazirgi aýmaly-tókpeli zamanda qabyldanýy tıisti tabandy sheshimder jaıy qozǵalatynyn aıtty.
«Qazirgi ýaqytta oryn alyp jatqan saýda soǵystary, álemde jáne tóńiregimizde, ishimizde geosaıası ahýaldyń ózgerýi, biz jumys isteıtin tehnologııalyq protsess - munyń barlyǵy ekonomıkanyń barlyq salalaryna múldem jańa mindetter qoıady. Taıaý ýaqytta sizdermen bul máseleni talqylap, sheshetin bolamyz», - dedi Nursultan Nazarbaev.