Nursultan Nazarbaev qazaqstandyqtarǵa alǵys aıtty
«Іnimniń mezgilsiz qaıtys bolýyna oraı aıtylǵan jyly sózder men shynaıy tilekterińizge rızashylyǵymdy bildiremin. Osyndaı aýyr sátte sizderdiń kórsetken qoldaýlaryńyz maǵan kúsh-qýat berdi. Jaqyn adamnan aıyrylý orny tolmas qasiret. Ol uzaq jyldar boıy aýyrdy, biraq bizge eshqashan qınalǵanyn bildirtpedi. Sońǵy kúnderi birqatar eldiń basshylarynan kóńil aıtý jedelhattaryn alyp jatyrmyn. Sondaı-aq, maǵan elimizdiń saıası jáne qoǵam qaıratkerlerinen, depýttatar men dıplomattardan, dinı qyzmetkerler men bıznes qoǵamdastyq ókilderinen, sondaı-aq kóptegen qazaqstandyqtardan hattar kelip tústi. Qaıǵymdy bólisip, qoldaý bildirgen barlyq janǵa alǵysymdy aıtamyn. Shynaıy nıetterińizge kóp rahmet», — dep jazady Nursultan Nazarbaev óziniń resmı saıtynda.
Eske sala keteıik, Bolat Nazarbaev 13 qarashada Almatynyń ortalyq klınıkalyq aýrýhanasynda kóz jumǵan bolatyn.