Nursultan Nazarbaev emdelip jatqan ortalyq qyzmetkerlerine palaý taratylǵany ras pa

ASTANA. QazAqparat – QR tuńǵysh Prezıdenti Nursultan Nazarbaev emdelip jatqan Ulttyq ǵylymı kardıohırýrgııa ortalyǵy qyzmetkerlerine osy patsıenttiń atynan palaý taratyldy ma? Áleýmettik jelilerde taralǵan aqparattarǵa baılanysty BAQ ókilderi ortalyq dırektoryna osyndaı saýal qoıdy, dep habarlaıdy QazAqparat tilshisi.

Ulttyq ǵylymı kardıohırýrgııa ortalyǵynyń hırýrgııa boıynsha dırektory ıÝrıı Pıaǵa brıfıng barysynda Nursultan Nazarbaevqa jasalǵan emdeý protsedýrasy men densaýlyǵynan basqa da saýaldar qoıyldy. Atap aıtqanda, tilshiler tuńǵysh prezıdenttiń emdeý protsedýrasynyń sátti ótýine baılanysty ulttyq kardıohırýrgııa ortalyǵynyń qyzmetkerlerine palaý taratylǵandyǵynyń ras-ótirigin naqtylady. Bul týraly aqparat jelide taraǵan edi.

«Ol jaǵyn bilmedim. Men protsedýradan keıin ashanaǵa baryp tamaqtandym. Ol (tuńǵysh prezıdent – red.) em alyp jatqan jaǵdaıda palaýǵa tapsyrys berdi dep aıta almas edim», - dedi ıÝrıı Pıa.

Aıta ketsek, búgin Nursultan Nazarbaevqa ota jasalǵany habarlandy.

Buǵan deıin kardıohırýrg Nursultan Nazarbaevtyń qazirgi jaǵdaıy týraly aıtyp bergen edi.

Sondaı-aq, maman tuńǵysh prezıdent eminiń aqysyz ekendigin málim etti.