Nursultan Nazarbaev: «Bir beldeý, bir jol» qazaqstandyq G-Global ıdeıasymen úndes
11:35, 26 Sáýir 2019
BEIJІŃ. QazAqparat - «Bir beldeý bir jol» qazaqstandyq G-Global ıdeıasymen úndes. Mundaı pikirdi Beıjińde ótip jatqan «Bir beldeý, bir jol» halyqaralyq yntymaqtastyq jónindegi joǵary deńgeıdegi 2-shi forýmnyń ashylýynda QR Tuńǵysh Prezıdenti - Elbasy Nursultan Nazarbaev bildirdi, dep habarlaıdy QazAqparat tilshisi.
«Qytaı Tóraǵasy Sı Tszınpın myrzanyń «Bir beldeý, bir jol» qurylysy arqyly bizdi adamzattyń ortaq taǵdyry qoǵamdastyǵyn birge qurýǵa shaqyrýy oǵan degen tereń qurmetimdi oıatady. Munyń máni tereńde jatyr. Álemdik saıasatkerdiń osynaý jańa paıymy barlyq elderdiń múddesin shoǵyrlandyrýǵa negizdelgen G-Global ıdeıamyzben úndes», - dedi Elbasy.
Eske salaıyq, forýmǵa 37 memlekettiń kóshbasshylary pen úkimet basshylary qatysyp jatyr.