Nursultan Nazarbaev Azııadaǵy ujymdyq qaýipsizdik uıymyn qurýdy usyndy

ASTANA. QazAqparat - Azııadaǵy qaýipsizdik jáne yntymaqtastyq uıymyn qurý qajet. Bul týraly búgin elordada ótken Astana klýbynyń jalpy otyrysynda QR Prezıdenti Nursultan Nazarbaev aıtty, dep habarlaıdy QazAqparat tilshisi.

«Menińshe, Azııaǵa ujymdyq qaýipsizdik uıymy qajet, onyń paıda bolýy da ýaqyt enshisinde dep oılaımyn. Búginde Azııa qurlyǵynyń 30 memleketi qatysatyn Azııadaǵy ózara is-qımyl jáne senim sharalary keńesi atty qazaqstandyq bastama bolashaq Azııadaǵy qaýipsizdik jáne yntymaqtastyq uıymynyń irgetasy bola alar edi», - dep atap ótti Elbasy.

Qazaqstan Prezıdentiniń aıtýynsha, Azııadaǵy qaýipsizdik jáne yntymaqtastyq uıymy men Eýropadaǵy qaýipsizdik jáne yntymaqtastyq uıymy búkil Eýraazııalyq sýbqurlyqtaǵy qaýipsizdikti qamtamasyz ete alar edi.  

«Osynaý ıdeıany júzege asyrý jolyndaǵy alǵashqy qadam retinde EQYU, AÓSShK jáne ASEAN-nyń qaýipsizdik jónindegi óńirlik forýmynyń birlesken konsýltatsııalyq otyrysyn ótkizýdi usynamyn. Atalǵan forýmnyń hatshylyqtary ustanymdaryn salystyrý úshin kezdese alady. Biz ustanymymyzdy joǵaryda atap ótken uıymdarǵa resmı túrde jetkizetin bolamyz», - dedi Nursultan Nazarbaev. 

Aıta keteıik, Elbasy jıyn barysynda Úlken Eýrazııanyń sulbasy qalyptasyp kele jatqanyn aıtyp, Reseı, AQSh jáne Qytaı arasyndaǵy geosaıası básekelestikke alańdaýshylyq tanytty.

Sonymen qatar Nursultan Nazarbaev álemdik derjavalar qarýlaný jarysyna qaıta oralýy múmkin ekendigin eskertti.

Kıbertehnıka ıadrolyq jáne ózge de strategııalyq nysandarǵa qaýip tóndiretinin basa aıtty.