Nursultan Nazarbaev «Ál-Azhar» ýnıversıtetiniń Bas ımamy Sheıh Ahmed at-Taıebpen kezdesti

NUR-SULTAN. QazAqparat – Búgin astanadaǵy Bas meshitte oqylǵan juma namazynan soń Qazaqstannyń tuńǵysh Prezıdenti Nursultan Nazarbaev «Ál-Azhar» ýnıversıtetiniń Bas ımamy Sheıh Ahmed at-Taıebpen kezdesti, dep habarlaıdy QazAqparat elbasy.kz saıtyna silteme jasap.

Taraptar dúnıe júzindegi konfessııaaralyq dıalogtiń ózekti máseleleri jóninde pikir almasyp, Qazaqstanda ótken Álemdik jáne dástúrli dinder kóshbasshylary seziniń atalǵan úderistegi mańyzdy rólin aıryqsha atap ótti.

Qazaqstannyń tuńǵysh Prezıdenti Qazaqstan men Mysyr arasynda qarym-qatynas ornatý barysy, sonyń ishinde joǵary bilim berý salasyndaǵy baılanystar týraly óz estelikterin ortaǵa saldy.

Nursultan Nazarbaev sondaı-aq, Ahmed at-Taıebtiń Sezde sóılegen sóziniń negizgi tezısterine qoldaý bildirip, dinder kóshbasshylary arasyndaǵy ashyq dıalogty qamtamasyz etýdiń mańyzdy ekenine toqtalyp ótti.

Foto: elbasy.kz