Nursultan Nazarbaev Aqmola oblysyndaǵy altyn óndirý zaýytyn iske qosty

  ASTANA. QazAqparat - Astanada ótip jatqan «Jańa ındýstrııalandyrý: qazaqstandyq barystyń qadamy» ulttyq telekópiri barysynda Memleket basshysy Nursultan Nazarbaev Aqmola oblysyndaǵy altyn shyǵaratyn kásiporyndy iske qosty, dep habarlaıdy QazAqparat.

Telekópir kezinde «Qazaqaltyn» TMK» aktsıonerlik qoǵamynyń bas dırektory Balamır Mahanov jańa zaýyttyń aldaǵy jumysy jaıynda baıandady.

«Qurmetti Elbasy! Sizdiń ındýstrııalandyrý saıasatyńyzdyń arqasynda TMD  arasynda alǵash bolyp quramynda baǵaly metaldar bar tehnogendik mıneraldy túzilisterdi óńdeý kásipornyn ashqaly turmyz. Joba iske qosylǵan soń 7 mln tonna óńdeýge múmkindik týady.  Alǵashqy jyldary Dore qorytpasymen 4 tonna altyn, 2 tonna kúmis óndiretin bolamyz. Al olardyń elordamyzdaǵy affınajdaý zaýytynda ary qaraı óńdelýi elimizdiń altyn qoryn tolyqtyrýǵa múmkindik beredi. Nursultan Ábishuly, iske qosýǵa ruqsat berýińizdi suraımyn!», - dedi Balamır Mahanov.

Óz kezeginde Memleket basshysy atalǵan kásiporynnyń úlken joba ekendigin atap ótti.

«Búgingi kúni altyn bizdiń valıýtamyzdyń negizi bolyp otyr. Qazaqstannyń ár jerinde 150-den artyq ken orny bar. Sonyń barlyǵyn ıgeretin bolsaq, ózimizdiń kompanııalar ıgeretin bolsa, elimizdiń  baılyǵy odan ary kóteriletin bolady. Tórt tonna altyn shyǵaratyn bolsa, úlken joba sanalady. Men óte qýanyshtymyn. Barlyqtaryńyzdy quttyqtaımyn. Qosyńdar!», - dep ruqsat berdi QR Prezıdenti. 

Aıta ketý kerek, bul tehnogendik mıneraldy túzilisterdi qaıta óńdeý boıynsha, keıinnen Dore qorytpasy túrinde altyn men kúmisti shyǵaratyn respýblıkadaǵy jalǵyz kásiporyn bolyp tabylady.  Dəl osyndaı zaýyttardy jyldyń sońyna deıin  Bestóbe jəne Jolymbet kentterinde de iske qosý josparlanǵan. Jobanyń quny 30 584,8 mıllıon teńge turady.