Nursultan Nazarbaev Abaıdyń ózbekterge qatysty sózin eske aldy
"Ózbekter - bizge óte jaqyn aǵaıyn. Abaı babamyz ylǵı mal sońynda júre bermeı, ózbekten jermen jumys isteýdi úırenińder dep ketken bizge. Olar - úlken kórshimiz. Ortalyq Azııadaǵy eń úlken memleket, xalyq jaǵynan, ekonomıka jaǵynan. Sondyqtan Qazaqstan úshin ol elmen baılanys óte tıimdi, paıdaly, qajet", - dedi Memleket basshysy.
Prezıdenttiń aıtýynsha, Qazaqstan men Ózbekstan ekijaqty saýda aınalymyn 5 mlrd dollarǵa jetkizýdi kózdeıdi. "Ózderińiz jaqsy bilesizder, Qostanaıda birlesip avtomobıl shyǵaryp jatyrmyz. Tashkentke poezd júretin boldy. Ushaqtar ushatyn boldy. Buryn anaý jerden, mynaý jerden aınalyp júrdik qoı. Onyń barlyǵy ashyldy. Sondyqtan eki aradaǵy saýda-sattyq ulǵaıyp keledi", - dep atap kórsetti N.Nazarbaev.
Aıta keteıik, óz suxbatynda Memleket basshysy bıýdjet aqshasy bankterge ne úshin berilip jatqanyn da túsindirdi. Óz sózinde Memleket basshysy BTA bankin eske aldy . Budan bólek, Nursultan Nazarbaev qaltaly azamattardy oralmandarǵa kómek berýge úndedi. Prezıdenttiń oıynsha, úlken qalalarda elektromobılderdi kóptep júrgizý kerek . Suxbat kezinde Memleket basshysy "Astana" qarjy ortalyǵynyń paıdasynqarapaıym tilde túsindirdi.