Nursultan Amanjolov afrıkalyq boksshyny nokaýtqa jiberdi

NUR-SULTAN. QazAqparat – Qazaqstan boksshysy Nursultan Amanjolov (4-0, 3KO) Wicked N’ Bad brıtanııalyq promoýsheni Dýbaıda (BAÁ) uıymdastyrǵan keshte óner kórsetti, dep habarlaıdy QazAqparat VKontakte áleýmettik jelisindegi «Qazaqstannyń kásipqoı boksy» paraqshasyna silteme jasap.

N.Amanjolov ýgandııalyq Shapı Mýshotomen jekpe-jek ótkizdi. Sýperaýyr salmaqtaǵy kezdesý tórtinshi raýndta aıaqtaldy. Amanjolov opponentin nokaýtqa jiberdi. Úshinshi raýndta, sondaı-aq referı Mýshotoǵa eki ret nokdaýn jazdy.

Osylaısha, Nursultan profıboksta besinshi ret jeńiske jetti. Aıta keteıik, sýperaýyr salmaqtaǵy boksshymyz WBA, WBO, IBF nusqalary boıynsha álem chempıony, ýkraınalyq Aleksandr Ýsıktiń (19-0, 13KO) sparrıng-qarsylastarynyń biri.

Vıdeodan alynǵan kadr