Nurotandyqtar halyqaralyq termınderdiń aýdarmalaryn qaıta qaraýdy usyndy
Іs-shara Memleket basshysynyń Joldaýyn talqylaýǵa arnaldy.
«Joldaý adam men onyń densaýlyǵyn, ál-aýqatyn arttyrýǵa baǵyttalǵan. El damýynyń basym baǵyty ındýstrııa, agroóndiristik keshen, kóliktik-logıstıkalyq ınfraqurylymnyń tsıfrlandyrylýy, zamanaýı tehnologııalardy turǵyn úı qurylysy men kommýnaldyq salada engizý bolyp tabylady. Bul Qazaqstannyń álemdegi aldynǵy qatarly elder sanatyna enýi úshin qajet», - dedi «Nur Otan» partııasy oblystyq fılıaly tóraǵasynyń birinshi orynbasary Ilıa Terenchenko.
«Aýyl» HDPP oblystyq fılıalynyń tóraǵasy Ermat Baıǵurmanov ta atalǵan qujattyń barlyq baǵyttaryn sanamalap, óz pikirin jetkizdi. Onyń atap ótýinshe, agroóndiristik keshendi damytý úshin aýyldaǵy kásipkerlikti barynsha qoldap, aýyldyq bıznesmender aldyndaǵy bıýrokratııalyq kedergilerdi joıý kerek.
Otyrys barysynda qatysýshylar Joldaýdyń basqa da mańyzdy tustaryna toqtaldy. Qazaqstan Jazýshylar odaǵynyń múshesi Ǵalymbek Jumatov Elbasynyń qazaq tiline qatysty aıtqan pikirine qoldaý bildirdi.
«Prezıdentimiz birneshe jyl boıy qazaq tilindegi halyqaralyq termınderdi aýdarý máselesine erekshe nazar aýdaryp keledi. Mysal úshin «qyltıma», «dúńgirshek» jáne «qoltyraýyn» sekildi sózder tilimizdiń abyroıyn ósirýde deı almaspyn. Tildi osy sııaqty termındermen kúrdelilendirý - qatelik. Biz dúnıejúzilik qaýymdastyqtyń múshesi ekendigimizdi umytpaǵan abzal. Sondyqtan álemdik jańalyqtardan tys qalmaý kerek», - dep óz pikirin bildirdi Ǵalymbek Jumatov.