«Nurotandyqtar» bala tárbıesindegi áıelderdi qoldaý júıesin jetildirý máselesin talqylamaq

ASTANA. QazAqparat - Búgin «Nur Otan» partııasy Ortalyq apparatynyń ǵımaratynda QR Parlamenti Májilisiniń depýtaty, saraptama tobynyń jetekshisi Maıra Aısınanyń jetekshiligimen «Nur Otan» partııasynyń saılaýaldy tuǵyrnamasynyń «Áıelderdi qoldaý» baǵyty boıynsha saraptama tobynyń birlesken otyrysy ótedi.

Saraptama tobynyń otyrysynda bala týýdy yntalandyrý jáne bala tárbıeleýshi áıelderdi qoldaý máseleleri kóteriledi. Sonymen qatar, jumyssyz áıelder arasynda úzdik bıznes-ıdeıalarǵa jarııalanatyn respýblıkalyq baıqaýdyń tusaýkeseri bolady.

Sharaǵa «Nur Otan» partııasy basshylyǵy, QR Parlamenti Májilisi men máslıhattardyń depýtattary - «Nur Otan» partııasy fraktsııasynyń músheleri, ortalyq jáne jergilikti memlekettik organdardyń, úkimettik emes uıymdardyń ókilderi, beınemájilis baılanysy arqyly partııanyń aımaqtyq fılıaldary qatysady, dep habarlaıdy partııanyń baspasóz qyzmetinen.