Nurotandyqtar Almatydaǵy jol jóndeý jumystarynyń sapasyn baqylaýǵa aldy
Máselen, asfalt tóseý tehnologııasynyń saqtalmaýynan jáne tapsyrys berýshi men tehnıkalyq qadaǵalaý ókili tarapynan baqylaýdyń bolmaýynan Kereı-Jánibek handary kóshesindegi segiz ýchaskede oıylǵan jerler bar. Sondaı-aq aralaý barysynda asfalttaý jumystary sapasyz júrgizilgeni anyqtaldy.
«Muztaý» shaǵynaýdanynda sýmen jabdyqtaý jáne sý burý jelilerin salý kezinde kóptegen zańbuzýshylyqtarǵa jol berilgen. Tıisti baqylaýdyń bolmaýy, júrgiziletin jumys sapasynyń tómendigine, sonyń ishinde arnaıy tehnıkanyń jáne tikeleı jumysshy personaldyń bolmaýyna ákelip soqty. Munymen qosa, nurotandyqtar kólik quraldarynyń qozǵalysy úshin avarııalyq jaǵdaı týǵyzatyn Beıseýov kóshesiniń barlyq júris bóliginiń boıynda kóptegen shuńqyrlar men opyrylyp túsken joldardy tirkedi.
Budan bólek, aýdan turǵyndary úshin jaıaý júrý jáne jeńil avtokólikterdiń ótýi qıyn Zamartas jáne Aıdarly kóshelerinde júrgizilgen jer jumystary jáne asfalttaýdyń bolmaýy saldarynan, jańbyr sýlarymen jol boıynan ınertti materıaldar jýylýda. Bul búkil kóshe boıynsha jer bólikteriniń opyrylyp, balshyq massalarynyń paıda bolýyna ákeldi. Anyqtalǵan buzýshylyqtar shıelenisti jaǵdaı týǵyzyp qana qoımaı, osy shaǵyn aýdan turǵyndary tarapynan áleýmettik jelilerde jaǵymsyz posttardyń jarııalanýyna ákeldi.
«Megapolıstiń barlyq aýdandarynda turǵyndardyń turǵylyqty jerine qaramastan joǵary ómir súrý standarttaryn qamtamasyz etý «Almaty-2050» damý strategııasynyń birinshi baǵyty. Osyǵan baılanysty, qalany abattandyrý jumystaryna degen nemquraılyqqa jol berilmeý kerek. Biz merdigerlik uıymdardyń basshylaryna aǵymdaǵy jyldyń 15 sáýirine deıingi merzimde joǵaryda atalǵan barlyq buzýshylyqtardy joıýdy tapsyrdyq. Bul másele partııa fılıaly men aýdan ákiminiń tikeleı baqylaýynda bolady», - dep atap ótti Meıirjan Otynshıev.