«Nurotandyqtar» Aqmola oblysyn aralady

NUR-SULTAN. QazAqparat - Qazaqstan Prezıdenttigine kandıdat Qasym-Jomart Toqaevtyń Respýblıkalyq qoǵamdyq shtabynyń úgit-nasıhat jumystary Aqmola oblysynda jalǵasty. Bul týraly Nur Otan partııasynyń baspasóz qyzmeti habarlady.

Jergilikti azamattyq qoǵam ınstıtýttarynyń ókilderimen kezdesken shtab músheleri Qasym-Jomart Toqaevtyń táýelsiz Qazaqstannyń qalyptasýy men damýyna úlken úles qosqan tulǵa ekenine nazar aýdardy.

Sonymen qatar RQSh músheleri «Kókshetaý mıneraldy sýlar» AQ eńbek ujymymen kezdesip, Q.Toqaevtyń saılaýaldy baǵdarlamasynyń basym baǵyttaryna toqtalyp ótti.

Osy kúni óńirdegi úgit-nasıhat jumystary Sh.Ýálıhanov atyndaǵy Kókshetaý memlekettik ýnıversıtetinde de jalǵasty. Oqý ornynda professor-oqytýshylar quramymen jáne stýdenttermen kezdesken Shtab ókilderi Q.Toqaev óziniń saılaýaldy baǵdarlamasynda bilim berý sapasyn arttyryp, básekege qabiletti maman daıarlaý isin jetildirýge jáne jastarǵa turaqty qoldaý kórsetýge erekshe kóńil bólgenin aıtty.

Odan bólek, RQSh músheleri oblysqa sapary barysynda «Qazaqstan temir joly» AQ eńbek ujymymen jáne Şýchınsk qalasynda týrızm salasynda eńbek etip júrgen shaǵyn jáne orta bıznes ókilderimen kezdesti.