Nurly jol shaǵyn jáne orta bıznestiń osy zamanǵy ınfraqurylymy negizine súıengen damýdyń katalızatory bolady - Baǵlan Maılybaev

ASTANA. QazAqparat - Jaqynda Elorda tórinde «Nurly jol - Qazaqstan joly» atty otandyq jáne sheteldik saıasattanýshylardyń forýmy ótti. Forým jumysyna Parlament depýtattary, otandyq jáne halyqaralyq sarapshylar, saıasattanýshylar men joǵary oqý oryndarynyń oqytýshylary qatysty.

AQSh, Italııa, Polsha, Úndistan, Avs­trııa, Bolgarııa, Qyrǵyzstan, Reseı sekildi elderden kelgen sarapshylar qatysqan forým jumysynda alǵashqy sózdi Qazaqstan Res­pýblıkasy Prezıdenti Ákimshiligi Bas­shysynyń orynbasary Baǵlan Maıly­ba­ev aldy. Ol óz sózinde Memleket basshysy N.Á.Nazarbaevtyń táýelsiz Qazaqstan halqyna arnaǵan ­Joldaýy jahandyq daǵdarys kezeńinde áleýmettik ahýaldyń saqtalýyn qamtamasyz etetin sharalardyń júıeli jospary ekendigin atap ótip, Qazaqstannyń Jańa Ekonomıkalyq Saıasaty ulttyq ekonomıkamyzdyń ınfraqurylymdyq tiregin jańǵyrtýdy qam­tamasyz etedi, - dedi.

Elbasy Joldaýynda alda turǵan mindetterge naqtyly kartografııa jasap, elimizdiń damýyna yqpal etetin 20 qalany atap ótken bolatyn. Baǵlan Maılybaev óz sózinde Joldaý shaǵyn orta bıznestiń osy zamanǵy ınfraqurylymy negizine súıengen damýdyń katalızatory bolatyndyǵyna toqtaldy. Reseı Ulttyq strategııa ınstıtýtynyń halyqaralyq jobalar jónindegi dırektory, saıasattanýshy ıÝrıı Solozobov «Nazarbaev modeli - memlekettiń tabys­ty bolýynyń negizgi faktory» degen taqyrypta sóz qozǵap, elimiz 20 jylda, keıbir elder júzdegen jylda qol jetkize almaıtyn belesterge kóteril­genin, osynyń barlyǵy Elbasynyń bastamasymen júzege asyp otyrǵandyǵyna toqtaldy. Forým barysynda Prezıdent janyndaǵy Memlekettik basqarý akademııasynyń professory, táýelsiz Qazaqstannyń tuńǵysh Syrtqy ister mınıstri Tóleýtaı Súleımenov «Jahandyq álemdegi Qazaqstan» degen taqyrypta, Túrki akademııasynyń Til jáne termınologııa ortalyǵynyń dırektory Ádil Ahmetov «Elbasy jáne syndarly saıa­sat jemisteri» taqyrybynda oı qozǵady. Dj.Nerý atyndaǵy Úndistan ınstıtýtynyń Ortalyq Azııany zerdeleý ortalyǵynyń tóraǵasy Mohantı Arýn, Italııanyń joǵary geosaıası zertteýler jáne sabaqtas ǵylymdar ınstıtýtynyń prezıdenti ­Tıberıo ­Gratsıanı, Bolgarııadan kelgen ókil, ­Sofııa ýnıversıtetiniń professory Tatıana Dronzına, AQSh-tyń Mıchıgan shtatyndaǵy Memlekettik ýnıversıtettiń professory Marta Brıll Olkot jáne t.b. sóz sóılep, óz oılaryn ortaǵa saldy.