«Nurly jol» memlekettik baǵdarlamasy sheńberinde turǵyn úıdi paıdalanýǵa berý kórsetkishi artýda

ASTANA. QazAqparat - QR Ulttyq ekonomıka mınıstri Qýandyq Bıshimbaev QR Úkimetiniń otyrysynda «Nurly jol» memlekettik baǵdarlamasy sheńberinde turǵyn úıdi paıdalanýǵa berýdiń eleýli óskenin atap ótti.

«2016 jylǵy 6 aıda turǵyn úılerdi paıdalanýǵa berý 16,9%-ǵa 5,0 mln sharshy metrge deıin ósti, onyń ishinde memleket qarajaty esebinen 262,0 myń m² paıdalanýǵa berildi, jyldyń sońyna deıin taǵy 309,0 myń m² paıdalanýǵa berý josparlanyp otyr. Apatty mektepterdi  jáne úsh aýysymdyq oqytýdy joıý úshin aǵymdaǵy jyldyń basynan bastap 2015 jyly bastalǵan 4 mekteptiń qurylysy aıaqtaldy jáne 42 mekteptiń qurylysy bastaldy. Jyldyń sońyna deıin 34 jańa mektepti paıdalanýǵa berý josparlanyp otyr», - dedi ol.

Sonymen qatar Qýandyq Bıshimbaev 2016 jyldyń birinshi jartyjyldyǵyndaǵy áleýmettik-ekonomıkalyq ahýaldyń qorytyndylary boıynsha baıandady.

«Birinshi jartyjyldyqta qurylys (6,6%-ǵa), kólik qyzmetteri (4,3%-ǵa), aýyl sharýashylyǵy ónimderin óndirý (2,7%-ǵa) jáne óńdeý ónerkásibi  (0,5%-ǵa) kóleminiń ulǵaıýy esebinen JІÓ-niń ósýi 0,1%-dy qurady», - dedi Bıshimbaev.